web counter
LEXO PA REKLAMA!

SHKARKO APP

App Store
Google Play

E fundit!

x

Pësoi goditje në fytyrë dhe u gjakos, mesfushori i Kombëtares rrezikon ndeshjen e ardhshme

17 Maj 2020, 10:01, Sport CNA

Klaus Gjasula para se gjithçka të ndalej prej pandemisë ishte lojtari më në formë në skuadrën e tij. Ndeshjen e djeshme të Paderbornit, kundër Fortuna Dyseldorf mesfushori e nisi nga minuta e parë dhe deri në momentin që doli nga fusha dhuroi një paraqitje relativisht të mirë, përveç një kartoni të verdhë të marrë pa një shkak që mund ta justifikonte në mënyrën e duhur.

Gjithsesi, rinisja e Bundesligës iu prish në fillimin e pjesës së dytë, kur ai pësoi një goditje të fuqishme me top në fytyrë, që i shkaktoi gjakosje dhe mjekët e panë të arsyeshme që mesfushori i kombëtares sonë të dalë nga fusha e lojës në minutën e 46. Mbetet të shihet sa serioz është ky dëmtim, teksa duhet të kujtojmë se Gjasula luan me maskë për shkak të një dëmtimi të marrë në faqe më parë.

Duke shpresuar që dëmtimi të mos jetë përsëri në vendin e mëparshëm, duhet të themi se kartoni i marrë mbrëmë nga ishte i 13-ti gjatë këtij sezoni nga ana e mesfushorit. Gjasula është një lojtar agresiv në duelet për topin e parë dhe kjo cilësi i ka sjellë edhe dënime kaq të shpeshta me kartonë. Pas rikuperimit nga dëmtimi, 30-vjeçarit do i duhet të jetë më i disiplinuar në fushë, për të pasur mundësinë të luajë më shumë për të qenë në gjendje të ndihmojë ekipin e tij.





Lajmet e fundit nga