Homoseksualiteti i ligjëruar një nga shenjat e kohës së fundit

17 Maj 2020, 13:23, Sociale CNA

Nga Miron Çako ? Përgjegjësi i Zyrës së Katekizmit të Kryepiskopatës KOASH

Shumë njerëz janë skeptik të besojnë se qytetrimi ynë një ditë do të mbarojë dhe ne gjithnjë e më shumë po i afrohemi si brez ditës së fundit të botës.

Bibla e shkruar nga 1500 vjet para Krishtit deri në 100 pas Krishtit, libri më i përkthyer në 531 gjuhë edhe dialekte, libri më me ndikim tek njerëzimi në të gjithë botën, themeli i fesë, judaizmit dhe krishterimit, por edhe në Kuran libri i fesë myslimane gjejmë gjurmë të Biblës, na i thotë qartë se kur tek njerëzimi filloi të shfaqet ky mëkat jashtë natyre i cilësuar si i neveritshëm dhe se kur ky mëkat do të ligjërohet nga kombet, do të jetë një nga shenjat se fundit të botës, që do të vijë me fakeqësi të shumta natyrore dhe ndëshkime hyjnore kundër brezit të pabesë dhe mëkatar.

Në Bibël, librin e parë Zanafillën na thuhet se Perëndia i krijoi dhe i bekoi njerëzit që të shtohen me bashkimin heteroseksual:?Kështu Perëndia krijoi njeriun sipas shëmbëlltyrës së vet, sipas shëmbëlltyrës së Perëndisë; Ai krijoi mashkull e femrën.? (Zan. 1:27) ?Të jeni të frytshëm dhe shumëzohuni? (Zan. 1:28).

Mëkati i homoseksualitetit si një devijim i neveritshënm seksual nga rregulli i Krijuesit filloi të shfaqet mbas mëkatit të çiftit të njerëzve të parë të cilët dëgjuan gjarpërin (djallin) edhe shijuan në kopshtin e Edenit frutin e ndaluar, nga Pema e të Mirës e së Keqes: ? Por gjarpëri ishte më dinaku ndër të gjitha bishat e fushave që Zoti Perëndi kishte krijuar, dhe i tha gruas: “A ka thënë me të vërtetë Perëndia: “Mos hani nga të gjitha pemët e kopshtit?.Dhe gruaja iu përgjegj gjarprit: “Nga fruti i pemëve të kopshtit mund të hamë;por nga fruti i pemës që është në mes të kopshtit Perëndia ka thënë: “Mos hani dhe mos e prekni, ndryshe do të vdisni” “.Atëherë gjarpri i tha gruas: “Ju s’keni për të vdekur aspak; por Perëndia e di që ditën që do t’i hani, sytë tuaj do të hapen dhe do të jeni në gjendje si Perëndia të njihni të mirën dhe të keqen”.Dhe gruaja pa që pema ishte e mirë për t’u ngrënë, që ishte e këndshme për sytë dhe që pema ishte i dëshirueshme për ta bërë të zgjuar dikë; dhe ajo mori nga fruti i saj, e hëngri dhe i dha edhe burrit të saj që ishte me të, dhe hëngri edhe ai.Atëherë iu hapën sytë të dyve dhe e panë që ishin lakuriq; kështu ata qepën gjethe fiku dhe bënë breza për t’u mbuluar.? (Zanafilla 3 1-7)

Por në Bibël për herë të parë homoseksualiteti na përmendet tek një nga djemtë e Nohes, Kami e i cili pa lakuriqësinë e atit dhe u josh duke nxitur edhe të vëllezërit të shikonin lakuriqësinë e të atit që ishte i shrtrirë përmbys, për këtë mëkat Noheja i frymëzuar nga Perëndia e mallkojë Kamin dhe brezin e tij:?Dhe bijtë e Noeut që dolën nga arka qenë Semi, Kami dhe Jafeti; Kami është babai i Kanaanit.Këta janë tre bijtë e Noeut, dhe ata populluan tërë tokën.Më vonë Noeu, që ishte bujk, filloi të mbjellë një vresht; dhe piu verë e u deh, dhe u zhvesh në mes të çadrës së tij. Dhe Kami, i ati i Kanaanit, pa babanë e tij lakuriq dhe vajti t’ua thotë vëllezërve të tij që ndodheshin jashtë.Por Semi dhe Jafeti muarrën një mantel, e hodhën mbi shpatullat e tyre dhe, duke ecur së prapthi, mbuluan lakuriqësinë e babait të tyre; dhe, me qënë se fytyrat e tyre ishin kthyer nga ana tjetër, ata nuk e panë lakuriqësinë e babait të tyre. Kur Noeu u zgjua nga dehja e tij, mësoi atë që i kishte bërë i biri më i vogël, dhe tha: “I mallkuar qoftë Kanaani! Ai qoftë shërbyesi i shërbëtorëve të vëllezërve të tij!”.(Zanafilla 9 18-25)

Bibla si një libër edhe historik, na tregon sesi popujt që devijuan nga ligji natyral i marrëdhënieve heteroseksuale në ato homoseksuale u ndëshkuan nga drejtësia Hyjnore dhe konkretisht na flet për ndëshkimin shëmbullor nga qielli me zjarr e dhe squfur të dy qyteteve Sodoma dhe Gomora që shtriheshin në luginën e gjelbëruar të Jordanit afërsisht 2000 vjet para Krishtit, rrënojat e këtyre qyteteve mëkatare gjenden poshtë Detit të Vdekur i cili quhet i tillë, sepse nuk ka asnjë llojë gjallese për shkak të dëndësisë së kripës dhe të squfurit. Nga Sodoma doli dhe termi (sodomit) me të cilën etiketohen ata që kryejnë mëkatin e homoseksualitetit:? Dhe Zoti tha: “Me qenë se britma që ngrihet nga Sodoma dhe Gomora është e madhe dhe me qenë se mëkati i tyre është shumë i rëndë, unë do të zbres për të parë nëse kanë bërë me të vërtetë simbas britmës që ka arritur tek unë, në rast të kundërt, do ta mësoj”? Atëherë Zoti bëri që nga qielli të binte squfur dhe zjarr mbi Sodomën dhe Gomorën, nga ana e Zotit.Kështu ai shkatërroi ato qytete, tërë fushën, tërë banorët e qytetit e gjithçka mbinte mbi tokën. Por gruaja e Lotit solli kryet për të shikuar prapa dhe u bë një statujë prej kripe.Abrahami u ngrit herët në mëngjes dhe shkoi në vendin ku kishte qëndruar para Zotit;pastaj drejtoi shikimin nga Sodoma dhe Gomora si dhe nga tërë krahina e fushës, dhe kështu pa një tym që ngrihej nga toka, si tymi i një furre.?(Zanafilla 18: 20-21; 19: 24-28)

Më konkretisht për këtë mëkat jashtënatyror shprehet qartë dhe prerë në ligjin që Zoti Perëndi i dha popullit të Izraelit mbasi i nxori nga skllavëria e egjiptianëve popull i degjeneruar moralisht: ?Nuk do të kesh marrëdhënie seksuale me një burrë, ashtu si bëhet me një grua; është një gjë e neveritshme. Në qoftë se dikush ka marrëdhënie seksuale me një burrë ashtu si ato që bëhen me një grua, që të dy kanë kryer një degjenerim të neveritshëm, do të dënohen pa tjetër me vdekje; gjaku i tyre do të bjerë mbi ta.? (Lev. 20:13)

Kurse apostull i kombeve Pavli shkruan se Perëndia i drejtë dënon kombet e pabesë me homoseksualitet si vula e pabesisë së tyre: ?Sepse zemërimi i Perëndisë zbulohet nga qielli për çdo pabesi e padrejtësi të njerëzve, që mbysin të vërtetën në padrejtësi? Sepse, megjithëse e njohën Perëndinë, nuk e përlëvduan, as e falënderuan si Perëndi, përkundrazi u bënë të pamend në arsyetimet e tyre dhe zemra e tyre pa gjykim u errësua. Prandaj Perëndia i dorëzoi ata në pasioneve të ulëta, sepse edhe gratë e tyre i shndërruan marrëdhëniet natyrore në atë që është kundër natyrës. Në të njëjtën mënyrë burrat, duke lënë marrëdhëniet e natyrshme me gruan, u ndezën në epshin e tyre për njëri-tjetrin, duke kryer akte të pandershme burra me burra, duke marrë në vetvete shpagimin e duhur për gabimin e tyre.? (Rom. 1:18;21;24;27)

Bibla na thotë se krishterimi nuk e urren mëkatarin, por mëkatin ashtu si mjeku me pacientin. Kisha Apostolike jep të gjitha mundësitë që njerëzit që ranë në këtë mëkat dhe pasion jashtënatyror, duke besuar tek Krishti që u kryqëzua për mëkatet e njerëzimit dhe të homoseksualitetit, të falen dhe shenjtërohen, me Misterin e Pagëzimit, ose Pendim Rëfimit edhe të bëhën njerëz të rinjë në Krishtin, të lirë nga demoni i homoseksualitetit:?sepse ajo që është e pamundur për njerëzit është e mundur për Perëndinë? (Lk. 18:27), prandaj apostull Pavli iu thotë korintasve të shquar për degjenerimin e tyre pagan: ?Dhe të tillë ishit disa nga ju; por u latë, por u shenjtëruat, por u shfajësuat në emër të Zotit Jisu me anë të Frymës së Perëndisë sonë.? (I Kor. 6:9-11)

Bibla është deri në fund e prerë si me ata që e kryejnë këtë mëkat dhe ata që e ligjërojnë dhe përligjin, nqs nuk do pendohen ata nuk do të shpëtojnë nga dënimi i përjetshëm në Ferr : ?Mos u gënjeni: as kurvarët, as idhujtarët, as shkelësit e kurorës, as të zhburrëruarit, as homoseksualët ? nuk do të trashëgojnë Mbretërinë e Perëndisë? (I Kor.6:9).

Nga një keqinterpretim i Deklaratës Universale për të Drejtat e Njeriut e vitit 10 Dhjetor 1948 duke filluar nga viti 1970 në një trend për kohën e re (NEW AGE) me simbol ylberin popullarizua si një simbol i komunitetit gay nga artisti i San Francisko Gilbert Baker në 1978, homoseksualiteti po ligjërohet dhe po promovohet me ditë kalendarike 17 Maj, me parada në shumë vende të botës edhe me tradicion të Krishterë, por që po i mohojnë këto vlera morale shekullore mbi të cilat u ndërtua ky qyterim shekullor që tani po tronditet nga themelet.

Me këtë shenjë degjenerimi moral ky brez po tregon bindshëm se jemi në kohët e fundit të njerëzimit dhe shkatërrimit të (NEW AGE), sepse Zoti Jisu Krisht përpara 2000 vjet tha: ?Dhe njerëzit në kohën e fundit do të jenë si në kohën e Sodomës dhe Gomorrës?(Lk. 17:28).