web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ndodhi pa gdhirë tek Teatri/ Nga nxjerrja me dhunë e artistëve deri tek përleshja me policinë

17 Maj 2020, 08:58, Kronika CNA

Pa zbardhur ende dita, që prej orës 04:30 të mëngjesi të sotëm, fadromat iu afruan godinës së Teatrit Kombëtar.

Në ato momente shumë prej artistëve që gjendeshin brenda godinës, u nxorën me dhunë prej aty, dhe një pjesë e të cilëve janë shpërndarë në komisariate të ndryshme të kryeqytetit.

Prej tre ditësh një numër i konsiderueshëm qytetarësh, artistësh si dhe politikanësh kanë ndenjur në godinën e Teatrit për ta mbrojtur atë nga shembja. Tre netë më parë ka qenë kreu i PD, Lulzim Basha i cili kaloi natën tek Teatri së bashku me artistët, ndërkohë një ditë më vonë ishte kryetarja e LSI, Monika Kryemadhi, ajo që zëvendësoi kryedemokratin.

Një numër i madh drejtuesisht dhe mbështesish të LSI, kanë qenë së fundmi ?të ngujuar? tek Teatri duke u përplasur me policinë. Mëngjesin e sotëm, fadromat kanë shembur fillimisht pjesën ballore të Teatrit, dhe më pas kanë vijuar punën për rrënimin e të gjithë godinës.
Mënjeherë pas kësaj ka filluar përplasja dhe përleshja mes protestuesve dhe policisë.
Mëngjesi i kësaj të diele e ka gjetur kryeqytetin në kaos ku nuk ka munguar edhe dhuna.
Në afërsi të Ministrisë së Brendshme, qytetarë, artistë, ish deputetë janë përleshur me policinë teksa tentonin t?i afroheshin Teatrit.

Edhe pse Tirana është ende zonë e kuqe për shkak të koronavirusit, duket se karantina tashmë është thyer dhe distancimi social nuk është respektuar as nga policia e as nga qytetarët të cilët shprehen të vendosur të mbrojnë Teatrin./CNA.al





Lajmet e fundit nga