web counter
LEXO PA REKLAMA!

SHKARKO APP

E fundit!

x

Grabitën para, telefona dhe bizhuteri/ Arrestohen dy marokenë në Tiranë

16 Maj 2020, 14:28, Kronika CNA

Policia e Tiranës ka vënë në pranga dy marokenë të dyshuar për një sërë vjedhjesh të kryera në zonën e Ali Demit dhe te Rruga e Barrikadave.

Në bazë të informacioneve të siguruara në rrugë operative, blutë kanë finalizuar operacionin policor të koduar “Befasia”, ku kanë arrestuar në flagrancë shtetasit marokenë me iniciale N.B., 23 vjeç dhe H.A., 30 vjeç, të dy banues në Tiranë.

Këta persona akuzohen se i kanë vjedhur me dhunë sendet personale shtetasit sirian M. H., 30 vjeç.  Gjithashtu, nga veprimet hetimore të kryera dyshohet se këta shtetas janë dhe autorë të disa vjedhjeve të tjera të telefonave dhe bizhuterive të ndodhura më parë në zonën e Ali Demit dhe në Rrugën e Barrikadave.

Shërbimet e Policisë, gjatë kontrollit fizik të këtyre shtetasve dhe të banesës së tyre, gjetën dhe sekuestruan në cilësinë provës materiale një shumë parash, bizhuteri, ora dore, aparate celular dhe sende të tjera. Në cilësinë e provës materiale u sekuestruan sendet e vjedhura dhe një shumë parash.

Ndërkaq, materialet do t?i kalojnë për ndjekje të mëtejshme Prokurorisë Pranë Gjykatës së Shkallës së Parë Tiranë, për veprën penale ?Vjedhja me dhunë? e kryer në bashkëpunim./ CNA.al





Lajmet e fundit nga