E fundit!

09:56 Aktualitet

Blindohet sërish Kuvendi/ Masa për protestë

Godina e Kuvendit të Shqipërisë sërish është blinduar nga ...

Transportonin ilegalisht klandestinë/ Prangosen katër persona, mes tyre dy të huaj

15 Maj 2020, 08:34, Kronika CNA

Policia e Tiranës bën të ditur se është goditur një rast i dhënies ndihmë për kalim të paligjshëm të kufijve, kundrejt fitimit.

Mësohet se në kuadër të këtij operacioni janë vënë në pranga katër persona, mes të cilëve dy shqiptarë dhe dy të huaj, të cilët në bashkëpunim me njëri-tjetrin transportonin emigrant klandestinë nga zona e Korçës në Tiranë dhe më pas për në Mal të Zi, me qëllim destinacionin final një nga vendet e BE-së.

Po ashtu, policia bën të ditur se janë proceduar në gjendje të lirë, për kalim të paligjshëm të kufirit, edhe tre shtetas turq si dhe janë sekuestruar në cilësinë e provës materiale një automjet dhe katër aparate celular.

?Seksioni për Hetimin e Trafiqeve të Paligjshme në Drejtorinë Vendore të Policisë Tiranë, në bashkëpunim me Komisariatin e Policisë Vorë dhe Seksionin për Krimet Kompjuterike në DVP Tiranë, në bazë të informacioneve të siguruara në rrugë operative, finalizoi me sukses operacionin e koduar ?BACKLASH?, në kuadër të të cilit u arrestuan në flagrancë shtetasit:

– K. D., 32 vjeç, banues në Kamzë, Tiranë;
– A. M., 35 vjeç, banues në Tiranë;
– E. E., 22 vjeç, me shtetësi dhe kombësi siriane;
– A. I., 25 vjeç, me shtetësi dhe kombësi marokene;

Këta shtetas, në bashkëpunim me njëri-tjetrin, dyshohet se kundrejt shpërblimit monetar, bënin transportimin e emigrantëve klandestinë të kombësisë siriane ose kombësive të tjera (marokene, afgane, irakene) nga zona e Korçës në afërsi të kufirit të gjelbër me Greqinë, për t?i sjellë në Tiranë, ku pasi sistemoheshin fillimisht në dhoma me qira apo hostele në zonën e Laprakës, transportoheshin me automjete private drejt kufirit të gjelbër me Malin e Zi, me destinacion final vendet e Bashkimit Evropian.

Shtetasit E. E. dhe A. I. dyshohet se kishin rolin e organizatorit në këtë skemë trafikimi, duke u koordinuar me persona të tjerë të kombësisë siriane në Greqi dhe Siri, ku nëpërmjet aplikacioneve ?Ëhatsapp?, ?Messenger? etj, bënin koordinimin e lëvizjes së emigrantëve nga Greqia për në Shqipëri, duke angazhuar shtetasit shqiptar të arrestuar në këtë skemë, të cilët luanin rolin e transportuesit, përkthyesit dhe të personave që shpesh tërhiqnin paratë që transferoheshin nëpërmjet agjencive te transfertave monetare.

Gjithashtu u proceduan në gjendje të lirë, për veprën penale ?Kalim i paligjshëm i kufirit?, tre shtetas turq.

Në kuadër të këtij operacioni janë sekuestruar një automjet dhe 4 aparate celular.?-thuhet në njoftimin e policisë.