E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ceferin nxjerr 'blof' FSHF-në: Ja çfarë ndodh nëse qeveria nuk lejon rifillimin e futbollit

15 Maj 2020, 11:24, Sport CNA

?Më mirë të mbyllej por na u bë e qartë nga FSHF se rrezikonim pjesëmarrjen në UEFA nëse nuk vazhdojmë sezonin?. Këto janë fjalët e thuajse të gjithë drejtuesve të klubeve që morën pjesë në mbledhjen e djeshme në FSHF ku u vendos për vijimin e Superiores më 3 qershor. Duke pasur parasysh se paratë nga UEFA përbëjnë më shumë se 60% të të ardhurave të Superiores, klubet shqiptare nuk e kanë luksin të inatosin Ceferin & Co., ndaj kanë miratuar vazhdimësinë.

Por sa i vërtetë është ky kërcënim nga UEFA për kampionatet që nuk arrijnë të mbyllin sezonin? Presidenti i UEFA-s, Çeferin, flet vetëm për ato kampionate ku ka qenë qeveria që ka vendosur veton, e nuk përmend penalitete të tipit që u diskutua në mbledhjen në FSHF.

?Për ne, gjëja e rëndësishme ësstë që dimë se kush është kampion, kush është i dyti, kush është i treti dhe i katërti. Opinioni im personal është se nëse e anullon një sezon shumë shpejt??, tha duke ngritur supet ai në një lidhje direkte për ?BeIN Sport? duke folur për rastin më përfaqësues, atë të Francës. ?Nuk është situatë ideale, pasi gjërat mund të përmirësohen dhe të gjithë mund të luajnë, përeç disa Ligave. Por e përsëris, është një vendim i qeverise, çfarë mund të bëjnë klubet? Apo ligat? Ata nuk mund të bëjnë asgjë. Për mua, vendimi ishte i parakohshëm. Por nuk ndikon UEFA-n dhe është vendimi i tyre?, vijoi ai.

?Ne kemi dy klube franceze që luajnë në Ligën e Kampioneve dhe ata tani nuk do të luajnë deri në gusht. Nuk di të them nëse është e mirë për ta, që të mos luajnë dhe pastaj të luajnë ndeshje të forta dhe të rëndësishme. Por nuk është vendimi im dhe e respektoj. Ne duhet ta respektojmë atë dhe sigurisht klubet duhet të respektojnë vendimet e qeverive. Nga ana jonë, ne kemi dërguar udhëzime të qarta mbi meritat sprortive që do të jenë formula e kualifikimit për në Ligën e Kampioneve dhe Ligën e Europës?, deklaroi Ceferin.