Coronavirus/ Twitter lejon personelin të punojë nga shtëpia "përgjithmonë"

13 Maj 2020, 13:20, Tech CNA

Twitter ka njoftuar stafin se ata mund të punojnë nga shtëpia “përgjithmonë” nëse dëshirojnë ndërsa kompania shikon drejt së ardhmes pas pandemisë koronavirus. Vendimi erdhi pasi gjigandi i mediave sociale tha se rezultatet e tij të punës nga shtëpia gjatë bllokimit kishin qenë një sukses. Gjithashtu tha që do t’i lejonte punëtorët të ktheheshin në zyrë nëse ata vetë e zgjedhin të rikthehen kur gjithcka të hapet dhe të mos ketë rrezik.

Në fillim të këtij muaji Google dhe Facebook thanë që stafi i tyre mund të punojë nga shtëpia deri në fund të vitit. Blog-u i Twitter-it vazhdoi të thotë që për ata që duan të kthehen në zyrën e Twitter-it, kompania “do të jetë vendi i tyre më i ngrohtë dhe mikpritës sigurisht me masa paraprake.

Kompania me qendër në San Francisko punëson më shumë se 4,000 njerëz në zyrat e saj globale. Ajo i ka lejuar punonjësit të punojnë nga shtëpia që nga muaji Mars dhe nuk pret që të rihapin zyrat e saj përpara shtatorit.

Sree Sreenivasan, një Profesor Vizitor Loeb i Inovacionit Dixhital në Shkollën e Gazetarisë në Universitetin Stony Brook, tha që ishte “një lajm që përcakton epokën”.

“Disa njerëz mund ta mos e marrin seriozisht këtë si Tëitter, por ne mund të mësojmë shumë nga Silicon Valley për fleksibilitetin e vendit të punës. Ka pasur një mentalitet që të punosh nga shtëpia mund të vjedhësh shefin ose të shmangësh përgjegjësitë. Por njerëzit po dëshmojnë se mund të jenë shumë më produktivë dhe t’i kryejnë detyrat duke punuar nga shtëpia. Kompanitë në të gjithë botën po punojnë se si të rihapin zyrat gradualisht, ndërsa prezantojnë masa të reja për distancimin shoqëror.

Twitter ka thënë: “muajt e kaluar kanë provuar se mund ta bëjmë atë punë. Kështu që nëse punonjësit tanë janë në një rol dhe situatë që u mundëson atyre të punojnë nga shtëpia dhe ata duan të vazhdojnë ta bëjnë këtë përgjithmonë, ne do ta bëjmë atë të ndodhë.” Njoftimi është përshkruar si “një moment që përcakton epokën” nga një ekspert i inovacionit dixhital./ CNA.al