web counter
LEXO PA REKLAMA!

SHKARKO APP

App Store
Google Play

Sekuestrohen 25 kg kanabis/ Arrestohen tre trafikantët në Vlorë

8 Maj 2020, 10:54, Kronika CNA

Finalizohet një tjetër operacion antidrogë, i koduar ?Transportuesit?.
Shërbimet e Seksionit për Hetimin e Trafiqeve dhe Narkotikëve pranë DVP Vlorë, pas informacioneve të marra në rrugë operative për dy automjete të dyshuara se mund të transportonin lëndë narkotike, menjëherë organizuan punën për lokalizimin e vendndodhjes dhe kapjen e personave përgjegjës.

Si rezultat, në bashkëpunim me strukturat e tjera mbështetëse pranë DVP Vlorë, u finalizua me sukses operacioni i koduar ?Transportuesit?, në aksin rrugor pranë fshatit Karbunar, Vlorë.
Gjatë kontrollit të ushtruar në automjetet e sekuestruara ?Toyota Yaris? dhe ?Fiat Punto?, Policia ka gjetur dhe sekuestruar gjithashtu 24.5 kg lëndë narkotike të llojit cannabis sativa, 2600 euro që dyshohen se mund të jenë përfituar nga ky aktivitet kriminal, si dhe 3 aparate celular.

Në vijim të veprimeve procedurale, Policia ka arrestuar në flagrancë shtetasit:
S. D., 25 vjeç, banues në Vlorë;
D. D., 22 vjeç, banues në Kras, Tepelenë;
T. B., 34 vjeç, banues në Vlorë;
Materialet i kaluan Prokurorisë së Vlorës, në ngarkim të këtyre shtetasve, për veprën penale ?Prodhimi dhe shitja e narkotikëve?, e kryer në bashkëpunim./CNA.al





Lajmet e fundit nga