web counter
LEXO PA REKLAMA!

SHKARKO APP

App Store
Google Play

Kërcënohet dhe goditet me gurë drejtori i TIA-s/ Depoziton kallëzim në polici, në kërkim agresori

8 Maj 2020, 17:14, Kronika CNA

Në nëntor të 2019-s Tirana Internacional Airport nënshkroi një marrëveshje bashkëpunimi me Policinë e Shtetit, por disa muaj më vonë drejtori i saj Costandin Von Alvensleben kërkon ndihmën e uniformave blu, për të gjetur një person që e ka kanosur.

Burime ekskluzive të Euronews Albania bëjnë me dije se drejtori gjerman i TIA-s është paraqitur në një komisarit të kryeqytetit duke bërë kallëzim ndaj një shtetasi që e ka goditur me gurë.

Sipas kallëzimit të referuar në polici të Alvensleben, ngjarja ka ndodhur mëngjesin e djeshëm në orën 8 e 30 minuta në rrugën  ? Dritan Hoxha ?, teksa ky i fundit ka qenë duke lëvizur me automjetin e tij.

Një i ri i maskuar me një kapuç i është afruar duke e qëlluar me gurë por fatmirësisht veç dëmeve materiale, Alvensleben, nuk ka pësuar dëmtime. Policia e Tiranës ka nisur hetimet për ngjarjen duke sekuestruar dhjetëra kamera sigurie të bizneseve në zonën ku ndodhi ngjarja ndërsa motivet mbeten të paqarta.

Euronews Albania ka siguruar edhe foton e autorit të dyshuar i cili është shpallur në kërkim nga policia ndërsa në pyetje janë marrë disa dëshmitarë. Ndërkohë vetë drejtori TIA-s ka deklaruar se nuk ka konflikte personale apo për shkak të detyrës.





Lajmet e fundit nga