Reforma Zgjedhore/ Bylykbashi: Konsensusi e vetmja rrugë për zgjedhje të lira

6 Maj 2020, 13:45, Politikë CNA

Përfaqësues i PD-së në Këshillin Politik për Reformën Zgjedhore, Oerd Bylykbashi, foli për mbledhjen e fundit të komisionit.

Bylykbashi tha se procesi i këshillit u ndërpre për arsye objektive, ndërsa ngriti akuzat se mazhoranca ka vjedhur një pjesë të votave në zgjedhjet e 2017-ës dhe një pjesë tjetër me zëvendësimin e mandateve duke shkelur kushtetutën.

?Procesi i këshillit u ndërpre për arsye objektive dhe ne kemi bërë një numër propozimesh të rëndësishme dhe ose kemi ndeshur kundërshtinë ose një taktikë, ku kanë përzgjedhur pjesëza të vogla, pasi ashtu ju leverdis. Kemi ndeshur më 9 mars një qëndrim të mazhorancës, ku dukej qartë, ku thuhej se do ta përdorim këshillin për një debat fals dhe do ta miratojmë me votat tona produktin që duam ne, por këtë nuk e lejojmë. Të gjithë janë të ndërgjegjshëm për mungesën e legjitimitetit të parlamentit që ka dalë nga shitblerja e votës. Në procesin e nisur, ne kemi bërë propozime dhe kemi ndeshur vetëm kundërshtimin. Nëse mazhoranca është e gatshme për konsensus në përputhje me rekomandimet e ODIHR, ne kemi qenë të gatshëm që më 14 janar, por ata kanë qenë pasiv dhe refuzues? u shpreh ai për A2.

Sipas demokratit, Këshilli Politik dhe konsensusi është rruga e vetme për të garantuar zgjedhje të lira, ndërsa paralajmëroi Damian Gjiknurin se nuk do ia dalë të vjedhë më vota.

?Nëse i rikthehemi 9 marsit, unë dhe Vasili kemi pasur një reagim për trukun dhe rrezikun e madh që PS-ja të anashkalojë Këshillin Politik. Nëse kërcënojnë përsëri me afate dhe me shumica votash, kot lodhen, as mos të humbasin kohë, pasi faturën e marrin shumë shpejt. Ai lloj presioni kalon pa asnjë gjurmë. I tërheq vëmendjen Gjiknurit, se procesi ndodh në Këshillin Politik, sipas ndërkombëtarëve. Gjiknuri ta harrojë që me këto lloj mekanizmash të sistemit të drejtësisë të vendosë ushtarët militantë gjyqtarë në Kolegjin Zgjedhor, që mbasi të bëjnë llum procesin e votimit, duke mbushur kutitë, duke keqnumëruar kutitë dhe duke bllokuar tentativat në KQZ, vulën e vjedhjes ta vendosë me Kolegjin Zgjedhor, me gjyqtarë të zgjedhur me pincetë. Kjo nuk ka për të funksionuar. Konsensusi është e vetmja rrugë për t?i garantuar shqiptarëve zgjedhje që nuk vidhen nga çunat e fortë?, nënvizoi Bylykbashi./ CNA.al