Edi Rama legalizon investimin miliona euro të Çim Pekës/ A fshihet edhe Veliaj pas kësaj lëvizje?

6 Maj 2020, 11:21, Politikë CNA

Dje nëpërmjet një njoftimi dhe një spoti publik, Çim Peka lajmëroi se do të kishte në studion e tij në Syri Tv kryeministrin e vendit, Edi Rama.

Një njoftim në fakt që ishte shoqëruar me një gafë, pasi Çimi muajin maj, e kishte bërë prill, ashtu si edhe Luli, që tha se 7×7 = 42.

Por, më e rëndësishëm sesa gafa e Cimit, nga entuziazmi që do ti shkonte Edi Rama është legalizimi që kryeministri i bën Syri Tv.

Një vit më parë, sulmet e Edi Ramës ndah Syrit ishin të ashpra. Pas tërmetit, policia veproi ndaj tij. Çim Peka u mbrojt me faktin se ishte një gabim njerëzor. Kujtojmë këtu paralajmërimin për një tërmet në mesnatë.

Për më tepër në atë kohë Çlirim Peka u fsheh, u largua për të mos u kapur nga policia. Më pas tatimet bënë disa kontrolle në media, përfshirë këtu edhe Syrin, tek i cili zbuluan disa dhjetëra të punësuar dhe disa qindra mijëra euro pagesa. Pa folur më tej për investimet në TV.

Por, mesa duket koha e akuzave dhe përplasjeve për Çimi.net, Çimi TV, e të tjera janë harruar. Edi Rama ka zgjedhur ta pranojë Syri TV-në, një investim disa miliona euro, burimi i vërtetë it ë cilave nuk dihet, por që zyrtarisht pra ?në tavolina? deklarohet si një investim i PD-së dhe LSI-së, nëpërmjet parave të pushtetit të djeshëm.

Pra, Edi Rama po shkon tek Çim Peka për t?i legalizuar televizionin, pasi burimi zyrtar i të ardhurave nuk dihet. Sepse një television disa miliona euro, investime me të ardhura nga një portal, është qesharak dhe Çim Peka nuk dihet të ketë ndonjë biznes të madh apo të ketë mbledhur dhjetëra million euro nga portali, që të shkohet në një TV.

Vajtja e Edi Ramës në Syri TV nuk është asgjë tjetër, por thjeshtë dhe vetëm legalizimi i një investimi që nuk i dihet burimi.

Ky që nuk shkonte tek Ylli Rakipi që nuk kishte as televizionin e tij, shkon tek ?Çlirim investitori? që si dihen burimet. Çfarë mund të presësh nga Edi Rama, morali i tij ka vdekur me kohë.

Për më tepër ai i hap rrugën Erion Veliajt që të vazhdojë “investimin” e tij pranë Syri TV dhe Çim Pekës.

Lali Eri i Bashkisë njihet si një mik i ngushtë i drejtuesve të Syrit dhe Çim Pekës personalisht. Pa folur më tej për marëdhëniet e tyre, të cilat duken qartë nga fakti sesi një media e pretenduar opozitare i bën ?fresk? kryebashkiakut të Tiranës. Apo bëjnë gjoja sikur e sulmojnë.

E me vajtjen e Edi Ramës, i dyti që do të shkojë te Syri me vrap do të jetë Erion Veliaj. Ai pret që të shkojë kryeministri dhe më pas t?i hapet rruga e tij për të bashkëpunuar me mikun e ngushtë Çim Peka, ku nuk ka arsye pse të mos jetë edhe një nga ?bashkëinvestitorët? e Syri Tv, direkt apo indirekt nëpërmjet qokave dhe bashkëpunimit të ngushtë me Çim Pekën.

Tashmë kemi një media të quajtur opozitare, të legalizuar nga Edi Rama, në shërbim të Erion Veliajt. Kjo është pamja që na jep Syri TV, i Çim Pekës./ CNA.al

Çimi si Luli, Majin e bën Prill/ Njofton intervistën e ardhshme me Ramën një muaj më parë