web counter
LEXO PA REKLAMA!

SHKARKO APP

App Store
Google Play

E fundit!

x

"Ndërkombëtarët kanë mbështetur rastet antikushtetuese"/ Meta: Politikanët që i përmendin të përbuzen

5 Maj 2020, 20:48, Politikë CNA

Presidenti Ilir Meta ka komentuar deklaratat e ndërkombëtarëve lidhur me çështjet e nxehta në vendin tonë.

Meta tha se ndërkombëtarët kanë mbështetur edhe rastet antikushtetuese, ndërsa theksoi se ata nuk mbajnë përgjegjësi për dështimet dhe institucionet që nuk funksionojnë.

Kreu i Shtetit i kërkoi shqiptarëve të përbuzin çdo politikan që thotë se ka marrë mbështetjen e ndërkombëtarëve.

“Nuk ka ndonjë rast antikushtetues që nuk mbështetet nga ndërkombëtarët. Unë mendoj që populli shqiptar duhet t’i përbuzë ata politikanë që për të justifikuar qëllimet e tyre të pasinqerta në raport me popullin shqiptar, nuk i referohen kushtetutës, por thonë ndërkombëtarët. Ca i kanë thënë ndërkombëtarët? Të tallen me kushtetutën, për ta bërë leckë kushtetutën. Populli shqiptar duhet të kërkojë politikanëve që të kenë të shenjtë kushtetutën. Të mos e ndryshojnë më siç e kanë ndryshuar. Politikanët tanë nuk i referohen kushtetutës, unë i referohem gjithmonë. Politikanët tanë kur u intereson thonë na kanë thënë ndërkombëtarët. Por çfarë përgjegjësie mbajnë këta ndërkombëtarë për këto dështime, për këto institucione që nuk funksionojnë”, u shpreh Meta në emisionin “Tempora”.

Teksa u pyet nëse duhet tu kërkohet llogari ndërkombëtarëve, ai theksoi se fajin e kanë politikanët shqiptarë.

“Llogaria u duhet kërkuar politikanëve shqiptarë që fshihen pa ndërkombëtarëve dhe që kur u kërkohet ti referohen kushtetutës thonë na thanë ndërkombëtarët. Populli shqiptar duhet të çlirohen nga kjo psikozë manipuluese që na thanë ndërkombëtarët. Tallen ndërkombëtarët me kushtetutën e tyre?”, nënvizoi Kreu i Shtetit./ CNA.al





Lajmet e fundit nga