E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Raporti i "Freedom House"/ Tabaku: Do rropatemi për të kthyer demokracinë

6 Maj 2020, 17:28, Politikë CNA

Ish-deputetja e Partisë Demokratike ka reaguar pas raportit të Organizatës Freedom House, e cila deklaron se Shqipëria ka pësuar rënie në qeverisje demokratike dhe proces zgjedhor.

Jorida Tabaku thotë se propaganda po bën zhurmë ndaj së vërtetës ndërsa ka sulmuar kryeministrin Edi Rama, për të cilin pretendon se po ngatërron me qëllim raportet e Freedom House për t?i ikur përgjegjësisë për keqqeverisjen dhe mungesën e demokracisë.

“Siç edhe çdokush mund ta faktojë në raportin e NTI të Freedom House, Shqipëria renditet si një demokraci hibride, ku bie në sy rënie në fushën e Qeverisjes Demokratike dhe Procesit Elektoral. Jemi aq mirë saqë renditemi në nivelet e Moldavise dhe Ukrainës. Tani jo vetëm për shqiptarët por edhe për raportues ndërkombëtarë është e qartë se parlamenti i Shqipërisë ka degraduar aq sa është kthyer në noter të qeverisë. Procesi i ligjbërjes thuajse nuk ekziston më dhe se qeveria shqiptare ka pamundësuar rolin e një opozite në institucione.

Këto faktorë, sipas raportit që lexohet përsëprapthi nga kryeministri, ndikuan në djegien e mandative nga opozita. Sakaq, ato përgjime që kryeministri i quante shpifje raporti i konsideron provë që lidhnin direkt PS-në dhe mazhorancën me grupet kriminale që ndikuan në zgjedhjet e 2017 , një provë që vulos si të drejtë aktin e opozitës”, shkruan ajo në rrjetet sociale.

Sipas demokrates, Shqipëria ka vlerësim negativ në pavarësinë e gjyqësorit dhe pavarësinë e mediave.

Duke iu referuar raportit, ish-deputetja nënvizon se qeveria po përpiqet ta zhbëjë lirinë e mediave, pasi po përpiqet të tjetërsojë misionin e tyre duke i kthyer në altoparlantë të qeverisë.

“E gjithë sa më sipër përkthehet në më pak demokraci, madje vetë raporti e tregon qartë se niveli i demokracisë në Shqipëri nuk është as 50%. Si për të treguar se realisht jemi kthyer në një shtet që po rropatemi të mbërrijmë në një gjysmëdemokraci. Partia Demokratike do të bëjë çdo gjë për të kthyer demokracinë, për t?i kthyer institucionet njerëzve, për të vendosur shtetin ligjor dhe për të kthyer një normalitet pas një krize të tillë që vetëm autoritarët dhe diktatorët e prodhojnë. Shqipëria në prag të anëtaresimit në BE nuk mundet të jetë e tillë. Shqipëria ka potencial të jashtëzakonshëm e do të jetë atje ku e meriton! Ditë më të mira do të vijnë për Shqipërinë e shqiptarët!”, përfundon Tabaku./ CNA.al