E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Liria e medias, shtyllë e demokracisë”/ OSBE thirrje shteteve: Lërini gazetarët të punojnë të lirë, pa frikë e favorizime

2 Maj 2020, 21:16, Sociale CNA

Në një videomesazh të botuar me rastin e Ditës Botërore të Lirisë së Shtypit, Përfaqësuesi i OSBE-së për Lirinë e Medias, Harlem Désir, u bëri thirrje Shteteve pjesëmarrëse të OSBE-së t?i lënë gazetarët të punojnë pa frikë apo favorizime, veçanërisht në kohën e pandemisë COVID-19.

?Lërini gazetarët të bëjnë punën e tyre pa pengesa, sigurojuni qasje në informacion dhe mbështetini mediat që janë në vështirësi financiare për shkak të pandemisë?, tha Désir.

?Tani që bota gjendet në mes të një pandemie globale, nevoja për të pasur media të lirë është akoma më jetike dhe vendimtare se kurrë më parë. Vendimtare në kuptimin që na jep informacion të besueshëm për situatën shëndetësore dhe na njeh çdo ditë me vendimet e qeverisë dhe masat shëndetësore. Shëndeti ynë varet jo vetëm nga mundësia për të pasur kujdes mjekësor, por edhe nga mundësia për të pasur informacion të saktë për pandeminë, zhvillimin e saj dhe mënyrat për të mbrojtur veten e të tjerët.

Po ashtu, media luan rol kyç në luftën kundër përhapjes së informacioneve të rreme.

Megjithatë, kemi parë shumë Shtete t?i përgjigjen kësaj krize me masa që kufizojnë lirinë e medias dhe aftësinë e gazetarëve për të raportuar rreth pandemisë.

E kuptoj plotësisht dëshirën e autoriteteve për të luftuar informacionet e pavërteta, si ato për mjekimet e rreme. Megjithatë, kjo nuk mund të arrihet duke kufizuar lirinë e medias. Thashethemet ndalohen më mirë duke siguruar qasje në burime të shumta dhe të pavarura informimi dhe jo përmes censurës.

Kemi nevojë për më shumë transparencë, për më shumë përgjegjshmëri, për më shumë gazetarë të lirë për të raportuar, jo për më shumë kufizime.

U bëj thirrje autoriteteve në mbarë rajonin e OSBE-së: ju lutem, lejojini gazetarët ta bëjnë punën e tyre të papenguar, sigurojuni qasje në informacion dhe mbështetini ato media që janë në gjendje të vështirë financiare për shkak të pandemisë.

Tema e Ditës Botërore të Lirisë së Shtypit për vitin 2020 është gazetaria pa frikë e favorizime. Veçanërisht në gjendjen e tanishme, lërini gazetarët të punojnë pa frikë apo favorizime.

Liria e medias është shtyllë e demokracisë sonë. Rrjedha e lirë e informimit është nevojë jetike për të gjithë qytetarët. Kjo është akoma më vendimtare kur bota është goditur nga një krizë si kjo me të cilën po përballemi.

Prandaj, lejomëni ta përfitoj nga ky rast për t?u bërë sërish thirrje të gjitha qeverive që jo vetëm të pranojnë, por edhe të lehtësojnë dhe mbështetin punën e gazetarëve të lirë dhe të pavarur.”/CNA.al