web counter
LEXO PA REKLAMA!

SHKARKO APP

App Store
Google Play

E fundit!

x

Mark Marku jep formulën/ Ja si mund të bëhen provimet online pa kopjuar

2 Maj 2020, 20:55, Sociale CNA

Një debat i gjerë gjatë kësaj kohe ka qenë edhe ai i mësimdhënies online dhe i kthimit të studentëve në auditore.

Profesori Mark Marku tha mbrëmjen e sotme se mësimdhënia online për degën që ai drejton ka funksionuar në masën 90%, ndërsa shprehu qëndrimin e tij kundër rikthimit të studentëve në qershor.

Marku kërkon që edhe provimet të bëhen online dhe zbulon formulën se si mund të shmanget kopjimi.

“Kopjet nuk shmangen as në provimet ballë për ballë. Një formë e shmangies së kopjes është që të mos ndërtosh sistemin e dijes, mbi modelin e përsëritjes. Të kërkosh në mënyrë logjike që mbi dijet që i ke dhënë, duke pasur informacionet në tavolinë të mos ketë mundësi të kopjojë. Duhet të shkosh te testet që nuk testojnë memorien e studentëve por aftësinë e tyre për të ndërtuar zgjidhje përmes informacionit që kanë. Duhet të jetë sistem logjik krijues”, u shpreh ai në Rtv Ora.

Pedagogu tha se kolegët e tij duhet të përgatisin studentët e tyre për testime online, pasi thekson se është shumë e rrezikshme që studentët të mblidhen në Tiranë e të shpërndahen sërish në rrethe.

“Duhet t’i përgatisim. Nuk po na lihet koha, njëherë na thuhet kaloni në mësim online, pastaj në qershor do të ktheheni në auditore. Ne deri në qershor e kemi mbaruar programin online. Do të duhet që të shtyhet edhe dy javë në qershor mësimi. Kjo që bën qeveria është shumë e rrezikshme. Pse ka dy parashikime qeveria, tregon mungesë serioziteti. Të mbledhësh studentë nga e gjithë Shqipëria në Tiranë, zonë e kuqe nga Covid-19, t’i futësh në auditore dhe pastaj t’i shpërndash në gjithë Shqipërinë, do të thotë që i hedh në erë të gjithë sakrificat që kanë bërë shqiptarët”, nënvizoi Marku./ CNA.al





Lajmet e fundit nga