web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu në ankth, shtatë lojtarë kanë mbetur jashtë kufijve

29 Prill 2020, 08:53, Sport CNA

Në kohën kur po diskutohet rifillimi i futbollit, te Skënderbeu nuk ndihen aspak të qetë. Korçarët janë një skuadër e formuar në pjesën më të madhe nga ?jabanxhinj?, ndaj edhe vështirësitë në këtë kohë pandemie bëhen më të mëdha. Edhe nëse do të fillojë grumbullimi i ekipeve më 2 maj, Ilir Daja nuk do të mundet ta ketë grupin e plotë.

Veç futbollistëve që janë me banim në zonat e kuqe të vendit (kryesisht në Tiranë dhe Durrës), të cilët kanë nevojë për një leje të veçantë për të ardhur në Korçë, më shqetësues është riatdhesimi i atyre që gjenden jashtë kufijve të Shqipërisë.

RIATDHESIMI

Janë 6 futbollistë që nuk ndodhen aktualisht në Shqipëri dhe po presin me ankth lirimin e kufijve. Duke filluar nga Kosova ku ndodhen Jashanica dhe Vitija, e për të vazhduar në Maqedoninë e Veriut ku po kalojnë karantinën lojtarë si Taipi, Pollozhani dhe Elezi. Më e sikletshme është situata me Ndeki që gjendet në Gjermani, si dhe Lukaj që është në Zvicër. Një problem të tillë e ngriti para disa ditësh edhe ?veterani? i Skënderbeut, Artim Pollozhani.

Me gjysmën e titullarëve pezull, duket një mision i pamundur për t?u përgatitur ashtu si duhet. ?Rifillimi i kampionatit, pa dyshim që është një plus i madh, jo vetëm sportivisht, por edhe financiarisht, pasi jemi mbi të gjitha familjarë. Por, duhet përgatitje dhe një kohë e gjatë për të rikthyer formën e mirë që të shmangim dëmtimet e mundshme.

Unë do i bëja një thirrje FSHF-së që të parashikojë edhe një leje hyrjeje në Shqipëri për ne lojtarët që periudha e karantinës na zuri jashtë Shqipërisë pranë familjeve tona. Kufijtë janë mbyllur dhe kjo e bën të vështirë rikthimin tonë. Mendoj se duhet gjetur zgjidhje?, ishte ky apeli i Pollozhanit.

AFRIKANËT

Ka edhe nga ata që nuk kanë lëvizur fare nga Korça. Rasti më i nxehtë është ai i afrikanëve, që janë izoluar në juglindje. Essien, Randu dhe Mensah prej dy muajsh janë karantinuar në banesën e tyre dhe në pritje të një zgjidhjeje. Pjesë e këtij grupi është edhe Meksi, i cili vijon të jetë në Korçë dhe larg familjes që ndodhet në Greqi.

Për të gjitha këto kërkohet një zgjidhje para se të vendoset për rifillimin e kampionatit dhe nisjes së fazës përgatitore. Pasi sikundër dihet, çdo shtetas që vjen në Shqipëri fillimisht duhet të futet në karantinën 14-ditore, e cila është e detyruar./Panorama SPort

JA LOJTARËT QË DUAN RIATDHESIM

BAJRAM JASHANICA (NË KOSOVË)

LEONAT VITIJA (NË KOSOVË)

SHQIPRIM TAIPI (NË MAQEDONINË E VERIUT)

ARTIM POLLOZHANI (NË MAQEDONINË E VERIUT)

AGON ELEZI (NË MAQEDONINË E VERIUT)

ZHAN NDEKI (NË GJERMANI)

BELI LUKAJ (NË ZVICËR)





Lajmet e fundit nga