web counter
LEXO PA REKLAMA!

SHKARKO APP

App Store
Google Play

E fundit!

x

Sulmuesi i Kukësit rikthehet në Tiranës dhe nis karantinën

29 Prill 2020, 08:39, Sport CNA

Skuada e Kukësit ka zgjidhur gjatë të martës atë që ishte kthyer prej disa ditësh në shqetësimin kryesor të verilindorëve, kthimin e Vasil Shkurtajt në Shqipëri. Sulmuesi kishte mbetur në Barcelonë në momentin kur u mbyllën kufijtë si pasojë e shpërthimit të pandemisë dhe e kishte të pamundur që të kthehej në vendin tonë, duke qëndruar i bllokuar për disa javë në qytetin spanjoll.

Ai ishte venë në kontakt me ambasadën shqiptare atje, por për momentin nuk siguronte dot udhëtim nga Spanja drejt Shqipërisë si pasojë e bllokimit të fluturimeve ndërkombëtare. Kësisoj, lojtari i cili kishte shkuar në Barcelonë për të kryer riaftësmin e dëmtimit të tij, mbeti i bllokuar në shtëpi atje, duke mos arritur as të kryente fazën e riaftësimit për të cilën kishte ndërmarrë udhëtimin.

Me rihapjen e një fluturimi riatdhesimi nga Spanja, Shkurtaj ka përfituar nga rasti dhe është nisur drejt Shqipërisë. Sulmuesi i Kukësit ka udhëtuar nga Barcelona drejt Madridit dhe atje ka marrë fluturimin që e ktheu në Tiranë.

Ashtu siç është rregulli, ai tashmë do t?i nënshtrohet karantinës së detyruar, por nuk do ta bëjë në hotel, pasi Kukësi ka gjetur akordin me institucionet përkatëse shtetërore që lojtari ta kalojë atë i izoluar në shtëpinë e tij meqë jeton i vetëm. Kështu, në dy javët e ardhshme, Shkurtaj do të jetë i detyruar që të qëndrojë i mbyllur në shtëpi e vetëm më pas, nëse do të jenë lejuar stërvitjet, do të mund t?i bashkohet edhe ai pjesës tjetër të skuadrës. Megjithatë, mbetet për t?u parë nëse do të jetë në gjendje të japë kontributin e tij, meqë duhet të rikuperojë më parë nga dëmtimi që pësoi para ndalesës së kampionatit.





Lajmet e fundit nga