web counter
LEXO PA REKLAMA!

SHKARKO APP

App Store
Google Play

E fundit!

x

Pasojat e koronavirusit/ Rihapja e shkollave vjen me një tjetër risi

24 Prill 2020, 09:38, Politikë CNA

Ditën e sotme ka nisur shembja e pesë shkollave, të cilat do të rindërtohen pasi u shkatërruan nga tërmeti i 26 nëntorit, ndërsa në ditët në vijim do të procedohet më të tjerat.

Mësohet se shkollat që po shemben janë; ‘Sami Frashëri’ në Tiranë, ‘Ramazan Subashi’ 9-vjeçare në Vorë, ‘Sherif Dervishi’ 9-vjeçare në Krujë, ’16 Shtatori’ në Shijak dhe ‘Charles Telford’ në Kavajë.

Nga ana tjetër, kreu i qeverisë Edi Rama ka theksuar se shkollat do të ndërtohen me standarde të larta dhe se klasat nuk do të kenë më shumë se 24 nxënës.

Po ashtu një tjetër risi që vjen me rihapjen e shkollave, sipas Ramës, është se nisur nga situata e krijuar nga koronavirusi, shkollat e reja do të pajisen me kapacitet për mësimin online nga shtëpia.

“Ndërkohë që standardi është eurokod 8, hapësirat mësimore rriten kapacitetet për klasë shkon në 24 nxënës, që është fantastike. Në klasat kopsht parashkollor ka rritje të klasave dhe ulje të numrit të nxënëseve, me laborator të gjitha shkollat, të gjitha bibliotekë, palestër, me dush, garderodë. Kanë të personalizuar zyrat, sallat e mësuesve, bllokun e shërbimeve dhe pista vrapimi, fushë për basketboll, volejboll dhe tenis, minifutboll.

Një element i rëndësishëm është që sjell situata e re e krijuar që nuk do të mbarojë shpejt, edhe procesi i hapjes do të jetë i distancimit social dhe duhet me futur elementin e kapacitetit dixhital për të pasur një kombinim mes mësimit në klasë dhe atij online deri kur mortja të ketë marrë fund me vaksinën të kemi turne të javës, me një pjesë që vjen në klasë dhe një pjesë që vijon nga shtëpia. Të pajisim me kapacitet komunikimin shkollat dhe fëmijët. Kjo duhet mbajtur parasysh?- tha Rama.





Lajmet e fundit nga