web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Penal/ Fuga “i tërheq veshin" Metës, përgjigjet presidenti

23 Prill 2020, 19:33, Politikë CNA

Akademiku Artan Fuga, shfaqi shqetësimet e tij lidhur me ndryshimet në Kodin Penal.

?Nuk pashë që presidenca të kishte një bashkëbisedim, apo të thërriste edhe opozitën. Kur erdhi amendimet nuk u mor një mendim nga fondacioni Soros, Avokati i Popullit etj për të parë nëse vërtetë i qëndruan vërejtjeve të presidentit. Sepse unë mendoj që nuk i kanë qëndruar. Duhej bërë një konsultim e më pas do të shohim se presidenti nuk ka bashkëpunim vetëm me mazhorancën. Këtë rradhë nuk e kishte”, tha ai.

Nga ana tjetër, në emisionin “Çim Peka LIVE”, presidenti Ilir Meta tha se një nga arsyet pse thirri për hërë të dytë Këshillin e Sigurisë Kombëtare, ishtë edhe ndryshimi në Kodit Penal.

“Unë e mirëkuptoj profesor Fugën. Logjika juaj është shumë parimore. Sikure sposton pak momentin, kohën kur jemi. Jemi në emergjencë, në krizë ku gjërat bëheshin edhe pa një bazë ligjore. Një nga arsyet pse e thirra KSK për herë të dytë ishte edhe ndryshimet e Kodit Penal. I ftuar ka qenë edhe kreu i opozitës, zoti Basha. Para konferencës e kam thirrur zotin Basha. Kam lexuar mendimet e Avokatit të Popullit, të KSHH-së. Ka qenë e vështirë për të bërë konsultime si në kohë normale. Nuk do të dënohet asnjë qytetar kot. Do të dënohet ai që përhap sëmundjen.
Opozita do e kishte të vështirë të thotë që këto formulime nuk qëndrojnë. Ata do ngrejnë problemin e procedurës. Kështu që jemi në një situatë ku i gjithë bashkëpunim u bë për interesin publik”, tha presidenti Meta./CNA.al





Lajmet e fundit nga