web counter
LEXO PA REKLAMA!

SHKARKO APP

App Store
Google Play

Kultivonin lëndë narkotike/ Policia arreston 2 anëtarët e grupit kriminal, ekzekutohet masa për një tjetër

19 Prill 2020, 07:29, Kronika CNA

Në sajë të operacionit policor antikanabis te koduar “Ulëza”, janë vënë në pranga dy pjesëtarë të tjerë të grupit, duke e dërguar në 5 numrin e të arrestuarve.

Policia e Matit raporton se pas një hetimi disamujor me metoda proaktive, mbrëmjen e djeshme kanë kapur dhe vënë në pranga edhe dy pjesëtarë të tjerë të grupit të akuzuar për kultivim të bimëve narkotike dhe konkretisht shtetasit me iniciale A. L., 42 vjeç dhe A. Gj., 39 vjeç, të dy banues në fshatin Baz, Mat. Gjykata e Rrethit Gjyqësor Mat u ka caktuar masën e sigurisë “Arrest në burg”, për kryerjen e veprës penale “Kutivimi i bimëve narkotike”, kryer në bashkëpunim

Gjithashtu blutë kanë bërë ekzekutimin e urdhrit të prokurorit, për shtetasin M. Gj., 55 vjeç, banues në fshatin Baz, i cili aktualisht është duke vuajtur dënimin në I.E.V.P. Burrel, për veprën penale ?Dhuna në familje”.

Në kuadër të këtij operacioni, më 12 nëntor 2019 janë arrestuar shtetasit R. T., 32 vjeç dhe N. T., 33 vjeç, banues në Ulëz

Po më 12 nëntor është arrestuar edhe shtetasi M. Gj., për dhunë në familje, por pas hetimeve me metoda proaktive rezultoi se është pjesë e këtij grupi në veprimtarinë kriminale të kultivimit të bimëve narkotike

Këta shtetas, në bashkëpunim me njëri ? tjetrin, dyshohet se janë autorë të disa rasteve të tentativës për të kultivuar bimë narkotike në zonat malore të Njësive Administrative Ulëz dhe Baz, të cilat janë asgjësuar më parë nga Policia gjatë kontrolleve të territorit.

Ndërkaq, operacioni vijon për identifikimin dhe kapjen edhe të personave të tjerë të përfshirë në këtë veprimtari kriminale./ CNA.al





Lajmet e fundit nga