web counter
LEXO PA REKLAMA!

SHKARKO APP

App Store
Google Play

E fundit!

x

Mjekja shqiptare në Itali bën rrëfimin prekës/ Babai ishte me Covid-19 kur u nisa, lajmin ia thashë në telefon

15 Prill 2020, 07:11, Sociale CNA

Ornela Gelaj, një nga mjekët shqiptarë që shkoi në Itali në një rrëfim prekës, ka treguar se kur u nis për në Itali, babai i saj ishte i prekur nga Covid-19.

Siç ka treguar në një intervistë për median italiane, ajo ishte  në punë, në spitalin Nënë Tereza kur i thanë që të bashkohej me vullnetarët për Italinë dhe nuk u mendua dy herë për përgjigjen e saj.

Ajo iu bashkua skuadrës së 30 mjekëve dhe infermierëve për të udhëtuar drejt atij që vetë ajo e quan vendi më i bukur në botë.

?Miqtë, kolegët dhe prindërit e dinin se ishte zgjedhja e duhur për mua, dashuria ime për Italinë dhe kulturën e saj ka qenë gjithmonë e jashtëzakonshme, të gjithë ne që kemi ardhur këtu kemi një lidhje të veçantë emocionale me këtë tokë?, thotë Ornela.

Rrëfimi i saj bëhet më prekës teksa flet nën maskën me të cilën ka mbuluar fytyrën, por jo emocionin që i rrezëllin ndër sy. ?Këtu ka kolegë shumë të mirë dhe me përulësi kemi ardhur për të ofruar mbështetjen profesionale që u nevojitet tani, por jo vetëm. U ngjita në aeroplan duke menduar ?Ju nuk jeni vetëm?, ??afërsia dhe ngrohtësia e njeriut për momentin janë thelbësore jo vetëm për pacientët, por edhe për të gjithë punonjësit e shëndetit që po i shoh të lodhur këto ditë?, tregon ajo ndër të tjera.

Ornela është vajza e vetme, babai është një specialist i sëmundjes infektive, ndërkohë që nëna e pediatrisë në spitalin e Durrësit. Ajo tregon si e pritën prindërit lajmin se do të nisej për në Itali , për të luftuar me sëmundjen që po merr mijëra jetë në të gjithë botën. ?Unë komunikova zgjedhjen time dy ditë para nisjes, nuk ishte e lehtë, por pastaj u kujtova atyre se kush isha, çfarë misioni jetësor që kisha zgjedhur , sa e dua Italinë dhe ata e kuptuan?, shprehet ajo.





Lajmet e fundit nga