web counter
LEXO PA REKLAMA!

SHKARKO APP

App Store
Google Play

E fundit!

x

Masat kundër koronavirusit/ Rama ka një lajm të keq për pronarët e bareve dhe restoranteve

14 Prill 2020, 11:59, Politikë CNA

Kryeministri Edi Rama ka deklaruar sot se bizneset e fundit që do të hapen do të jenë restorantet dhe baret, të cilat u mbyllën për shkak të situatës së koronavirusit.

Në një lidhje live në rrjetet sociale, kreu i qeverisë iu ka kthyer përgjigje shqetësimeve të shumë qytetarëve, për shumë çështje, që nga lëvizja me automjet, më këmbë, paketën ekonomike etj.

Rama tha se nga sot autorizimet për të lëvizur me automjet do të jenë më të thjeshta.

?Restorantet dhe baret janë të fundit që do hapen. Më vjen keq por është e pamundur ndryshe.
Nëse ju keni punë në qytet dhe do shkoni me automjet patjetër privat, patjetër por do të merrni një autorizim dhe autorizimet do të jenë shumë më të thjeshta tani që mund të lirojnë pak. E di shumë mirë që ka qenë e shtrënguar, e di shumë mirë që shumë autorizime janë refuzuar, kjo nuk ka qenë për ndonjë epsh diktatorial por thjesht për të garantuar atë që kush do ta shikojë e shikon qartë sot, rezultatin që kemi arritur në këtë luftë.

Duhet ta çojmë kurbën drejt zeros me durim, sigurisht dhimbjet nga pasoja të natyrës ekonomike janë të konsiderueshme, por askush mos ta harrojë se halli i halleve është jeta e njerëzve.
Koronavirusi ne na luan fenë siç po ua luan fenë shumë të tjerëve por arsyeja që nuk na i ka luajtur deri sot është se jemi mbrojtur shumë më fort. Armiku nuk ka ikur dhe na bën gjëmën po t?iu hapim shteg?, deklaroi Rama.

Sa iu përket masave, Rama theksoi se populli nuk merr gjoba, marrin të papërgjegjshmit. ?Gjobat nuk janë për të mbushur buxhetin. Janë pak fare në raport me popullin. Por janë për të dhënë një mesazh që jetohet me rregulla dhe rregullat janë njësoj për të gjithë?, deklaroi Rama./ CNA.al





Lajmet e fundit nga