web counter
LEXO PA REKLAMA!

SHKARKO APP

App Store
Google Play

"Të parët që duhet të testohen janë punonjësit e shëndetësisë"/ Epidemiologia: Taskforca shqiptare veproi vonë

12 Prill 2020, 21:07, Lifestyle CNA

Mjekja shqiptare epidemiologe Rubina Muzina, që jeton në SHBA ka folur për lehtësimin e masave në vendin tonë nga dita e nesërme dhe për testimet.

Ajo tha se të parët që duhet të testohen janë punonjësit e shëndetësisë që përballen me qytetarët dhe janë në front të luftës.

“Të parët që do të testohen me testimin serologjik janë punonjësit e shëndetësisë. Kjo strategji duhet ndjekur dhe në Shqipëri. Një strategji tjetër që duhet të ndiqet edhe në Shqipëri është testimi me tamponë. Tamponi të tregon a je i infektuar ndërsa studimi serologjik tregon a ke qenë i infektuar. Kur hapet shoqëria të dy këto testime shkojnë bashkë. Task-forca shqiptare duhet të jetë shumë agresive, të vazhdojë me testimet e tamponit. Kam dëgjuar shumë që kjo kaloi, jo me kalimin do të ketë valë të tjera”, u shpreh ajo në një lidhje me Rtv Ora, ndërsa për debatin e krijuar për numrin e testimeve, mjekja theksoi se taskforca shqiptare veproi vonë.

“Testime më të ulëta ndodhin në ato ku vende ku sistemi shëndetësor nuk është aq i fuqishëm. Taskforca shqiptare veproi vonë, në fillim kur shikonim ato zero, zero, pa raste ne këtu i quajmë të dhëna që nuk kanë kuptim, nuk kanë sens. Shqipëria nuk mund të bëjë përjashtim, të dy testimet duhen, aty ku është vatra e infeksionit dhe personat e kontaktit. Kjo duhet të vazhdojë edhe pse masat mund të lirohen. Bashkë me këtë është i detyrueshëm testimi serologjik. Çdo vend ka strategjinë e vet por në këto kohë mëson nga më të mirët, ata që kanë kaluar epideminë. Duhet të mësojmë nga më të mirët dhe jo të bëhen krijime origjinale në këto kohë”, nënvizoi Muzina./ CNA.al





Lajmet e fundit nga