web counter
LEXO PA REKLAMA!

SHKARKO APP

App Store
Google Play

“Bëni edhe pak durim”/ Rama: Të hënën publikojmë planin për riatdhesimin e qytetarëve

10 Prill 2020, 11:19, Sociale CNA

Kryeministri Edi Rama thotë se të hënën do të publikohet plani i një hapjeje shumë graduale të rrugës së riatdhesimit, me kushtet përkatëse detyruese të karantinimit 14 ditor, nën rregulla të forta sigurie.

?Duke ju kërkuar 1000 herë ndjesë të gjithë atyre që janë rezidentë në shqipëri dhe për arsyen madhore të mbrojtjes së popullit e të vendit tonë nga agresioni i armikut të padukshëm, kanë mbetur jashtë kufijve të mbyllur, si edhe duke u nisur nga mbajtja nën kontroll e kurbës së infeksionit deri tani, jemi gati të publikojmë të hënën planin e një hapjeje shumë graduale të rrugës së riatdhesimit, me kushtet përkatëse detyruese të karantinimit 14 ditor, nën rregulla të forta sigurie!?, shkruan Rama.
Kryeministri bën thirrje të bëjnë edhe pak durim.

?Duke i mirëkuptuar të gjitha ankesat e madje edhe sharjet e fyerjet, për mbylljen e plotë të kufijve dhe me bindjen se edhe ata, që nuk përmbahen fare në mallkimet që lëshojnë, e kuptojnë se masa ekstreme e ndalimit për t’u kthyer në këtë fazë, diktohet nga interesi jetik i mbrojtjes së shëndetit të popullit shqiptar, u lutem të gjithëve të bëjnë edhe pak durim?, shkruan më tej ai./CNA.al





Lajmet e fundit nga