web counter
LEXO PA REKLAMA!

SHKARKO APP

App Store
Google Play

E fundit!

x

Faljet e kamatvonesave dhe faturat/ Çela: Dritat do paguhen, është shërbim

9 Prill 2020, 20:53, Sociale CNA

Administratori i OSHEE Adrian Çela ka shpjeguar mbrëmjen e sotme se si funksionon falja e kamatvonesave të qytetarëve.

Çela tha në një lidhje me emisionin “Opinion” se kamatvonesat do t’i falen vetëm abonentëve që kanë lidhur një kontratë me OSHEE-në dhe periudha e faljes do të jetë deri në dhjetor të 2019-ës dhe jo për 3 muajt e fundit.

Ai theksoi se për abonentët që nuk kanë një kontratë të lidhur duket ta lidhin në zyrat e OSHEE-së dhe që nga ai moment do t’i zerohen.

?Kusht që ata të përfitojnë faljen e kamatës është që të kenë një aktmarrëveshje valide me OSHEE-në. Ata që nuk e kanë një të tillë por kanë detyrime të vjetra, gjithashtu duhet të nënshkruajnë brenda Qershorit një aktmarrëveshje për të përfituar faljen e kamatës. Që nga dita e hënë, të gjithë ata abonentë që e kanë patur këstin e pagesës së aktmarrëveshjes pas datës 14 duhet të paraqiten në zyrat e OSHEE për të bërë riskedulimin e saj dhe reflektimin e faljes së kamatës?, u shpreh ai.

Më tej, Çela foli edhe për faljen e faturës së dritave gjatë kohës së pandemisë së koronavirusit. Administratori i OSHEE deklaroi se mënyrë absolute se dritat nuk do të falen, pasi e cilësoi si shërbim.

“Është shërbim siç merren ushqimet, merret dhe uji. Ne punojmë gjatë gjithë kohës. Në momentin që flasim unonjësit e OSHEE po punojnë në zonën e Unazës së Re për një problem që kishte atje. Përsa kohë ne ofrojëm shërbim, duhet të paguajnë”, u shpreh ai, ndërsa shpjegoi mënyrat e pagesës.

“Ne u kemi krijuar shumë mundësi qytetarëve për të paguar energjinë, përveç sporteleve online, me postën, përmes aplikacionit”, tha ai./ CNA.al





Lajmet e fundit nga