web counter
LEXO PA REKLAMA!

SHKARKO APP

App Store
Google Play

E fundit!

x

“Po përdorni Kodin Penal si “gjethe fiku”/ Shehu kritika qeverisë: Lufta fitohet me masa shëndetësore

9 Prill 2020, 17:47, Sociale CNA

Ish- ministri i Shëndetësisë në qeverinë e PD, Tritan Shehu kritikon qeverinë për ndryshimet në kodin penal që ashpërsojnë dënimet për qytetarët që thyejnë masat e ndërmarra për COVID-19.

Sipas Shehut ky është një ?show? dhe se ballafaqimi me COVID-19 fitohet nëpërmjet masave shëndetësore, ekonomike dhe jo me improvizime penale për të devijuar vëmendjen.

Ai i bën thirrje qeverisë të thotë se sa është buxheti shëndetësor, si do të mbrohet personeli shëndetësor, çfarë po bëhet me mjekun e familjes dhe strukturat, laboratorët dhe pse u braktis strategjia e OBSH për testime.

?Show me disproporcionalitete penale, instrument për të fshehur problemet!
Përsëri po spekullohet; aktualisht ne kemi të bëjmë me një ballafaqim të ashpër me një epidemi, gjë që fitohet me masa shendetesore (midis tyre dhe ?distancimi fizik? i kërkuar nga ne), mobilizim të kapaciteteve të tilla, me politika ekonomike e financiare dhe jo me improvizime me ?Kodin penal?, sic kërkon Kryeministri të devijoje vëmendjen.
Pa pasur një strategji përballëse e më tej dalëse, në vullnet për të kontrolluar cdo gjë, për të mos lejuar transparencë mbi realitetin, kërkon tashti të cvendosë kahën nga masat shëndetësore te ato penale të pa justifikuara edhe nga reagimi racional i popullsisë ndaj kufizimeve të deritanishme.
Nqs ndonjë herë ka pasur probleme, në radhe të parë ato janë krijuar nga vetë iracionaliteti i disa prej vendimeve të Qeverisë.
Pra Qeveria duhet të shikojë kryesisht nga vetja e të na thote sa është buxheti shëndetësor në këtë përballje (ai aktuali është qesharak), si do te mbrohet personeli shëndetësor, cfarë po bëhet me mjekun e familjes, po me strukturat mjekuese ne rang vendi, me laboratorët, të shpjegojë pse u braktis strategjia se OBSh dhe e vendeve të zhvilluara për testimet, identifikimin virusologjik e imunitar, izolimin e mjekimin, të domosdoshme këto për sot e për procesin e ?hapjes?!
Të përdorësh Kodin Penal si ?gjethe fiku? nuk është produktive, është e rrezikeshme!?, shkruan Shehu në një postim në Facebook./CNA.al





Lajmet e fundit nga