web counter
LEXO PA REKLAMA!

SHKARKO APP

App Store
Google Play

Nga berberët te rrobaqepësitë, lavazhet, taksixhinjtë dhe hidraulikët/ Rama shpjegon kush do përfitojë pagë

8 Prill 2020, 18:14, Sociale CNA

Kryeministri Edi Rama i është përgjigjur pyetjeve të qytetarëve mbrëmjen e sotme lidhur me masat e marra.

Njëri prej tyre e pyet se kur do të hapen baret, ndërsa kreu i qeverisë iu përgjigj se ata janë të fundit që mendohen.

“Kur të hapen baret do të thotë që është koha e fundit të luftës, do të thotë që ne mund të bëjmë festë”, u shpreh kryeministri, ndërkohë që ceku edhe punën e berberëve.

“Berberët do të marrin pagë përkatëse, mbështetje përkatëse dhe do të përfshihen në paketën e datës 15 prill”, nënvizoi Rama.

Më tej kreu i qeverisë tregoi edhe disa kategori të tjera që do përfitojnë nga paketa që do prezantohet.

“Rrobaqepësi e vogël, servis makinash që me ligjin në fuqi është i hapur, por me zakonin në fuqi është i mbyllur, hidraulik, agjensi turistike, dizajner që punojnë me printime dhe për llogari të të tretëve, taksixhi dhe ndodnjë kategori tjetër do jenë pjesë e zgjerimit të mbështetjes se pse janë biznese të vogla të mnbyllura de fakto. Gjithashtu për të gjithë ata që janë punonjës të linjës së transportit urban dhe ndërruan do jenë pjesë e paketës. Gjithashtu edhe lavazhet hyjnë në këtë kategori”, theksoi ai./ CNA.al





Lajmet e fundit nga