web counter
LEXO PA REKLAMA!

SHKARKO APP

App Store
Google Play

E fundit!

x

Foto-Tentativë vrasje, armëmbajtje dhe vjedhje/ Arrestohet në Tiranë i shumëkërkuari nga Italia

4 Prill 2020, 07:02, Kronika CNA

Policia në Tiranë ka vënë në pranga me qëllim ekstradimi, një të kërkuar nga drejtësia italiane, i dënuar për një sërë veprash penale.

Mësohet se në kuadër të operacionit policor të koduar “Kamza”, u bë kapja dhe arrestimi, me qëllim ekstradimi, i shtetasit Erjol Ceka, 31 vjeç, banues në Kamzë, Tiranë, i shpallur në kërkim ndërkombëtar nga Interpol Roma, Itali.

Autoritetet gjyqësore në Torino, Itali, me vendimin penal Nr. 997/2019 SIEP, datë 17.02.2020, e kanë dënuar këtë shtetas me 13 vjet, 3 muaj e 17 ditë burgim, për veprat penale ?Vrasja e mbetur në tentativë?, ?Armëmbajtje pa leje? dhe ?Vjedhja?, parashikuar nga Kodi Penal italian.

Sipas uniformave blu, ky shtetas dyshohet se më datë 17.01.2011, në Asti, Itali, ka tentuar që të shtypë me makinë shtetasin italian  S. S., duke i shkaktuar atij plagosje dhe fraktura.

Më datë 14.12.2012, së bashku me një person tjetër, ka vjedhur para dhe sende me vlerë në një bar.

Gjithashtu, më datë 31.01.2015, në bashkëpunim me një person tjetër, ka plagosur rëndë me thikë shtetasin shqiptar A. G.

Materialet e arrestimit të përkohshëm, me qëllim ekstradimin e këtij shtetasi drejt Italisë, i kaluan Prokurorisë së Rrethit Gjyqësor Tiranë.





Lajmet e fundit nga