web counter
LEXO PA REKLAMA!

SHKARKO APP

App Store
Google Play

Kapet me cigare kontrabandë dhe dokumente të falsifikuara/ Pranga shoferit të kamionit në Portin e Durrësit

2 Prill 2020, 15:46, Kronika CNA

Një 39-vjeçar ka rënë në prangat e policisë pasditen e sotme në Portin e Durrësit.

Ai akuzohet për kontrabantë me mallra që paguhet akcizë dhe të falsifikimit të dokumenteve.

Sipas policisë, gjatë kontrollit të kamionit u gjetën të fshehura në kabinë, poshtë dyshekut, steka me cigare, të cilat në imazhin e skanimit nuk ishin të markuara.

“Policia Kufitare ka goditur një rast të kontrabandës me mallra që paguhet akcizë dhe të falsifikimit të dokumenteve duke proceduar penalisht një 39-vjeçar..

Shërbimet e Policisë Kufitare në Portin e Durrësit kanë rritur kontrollin në dalje dhe në hyrje, për të gjithë kamionët që transportojnë mallra.

Si rezultat i kontrollit në vijën e dytë, të kamionit me drejtues shtetasin A. A., 39 vjeç, në kabinë, poshtë dyshekut, u konstatuan të fshehura steka me cigare, të cilat në imazhin e skanimit nuk ishin të markuara.

Po gjatë kontrollit të detajuar rezultoi se targat e rimorkios dhe leja e qarkullimit nuk i përkisnin kësaj rimorkioje.

Në vendngjarje kanë mbërritur specialistët për Hetimin e Krimit Ekonomik e Financiar në DVP Durrës, të cilët në përfundim të veprimeve të para kanë proceduar penalisht shtetasin A. A., për veprat penale ?Falsifikimi i vulave, i stampave ose formularëve? dhe ?Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës?.

Materialet i kaluan Prokurorisë së Rrethit Gjyqësor Durrës, për veprime të mëtejshme.”, njofton policia./CNA.al

 





Lajmet e fundit nga