web counter
LEXO PA REKLAMA!

SHKARKO APP

App Store
Google Play

E fundit!

x

Lajm i mirë për Korçën/ Shërohet nga COVID-19 edhe një 77-vjeçar

3 Prill 2020, 11:45, Lifestyle CNA

Një tjetër lajm i mirë vjen për qytetin e Korçës, në lidhje me betejën me koronavirusin.

Pas një çifti të moshuarish nga Korça 78 dhe 79 vjeç të cilët  shëruan nga koronavirusi, nënë Sanija dhe gjysh Izedini, një 77-vjeçar është mes 13 të shëruarve me COVID-19 ditën e sotme.

I moshuari la ambientet e spitalit Infektiv në Tiranë dhe tashmë i është bashkuar familjes.  Lajmin e mirë e postoi në rrjetet sociale drejtori i Spitalit të Korçës, Litian Broka.

“E mbajti fjalën Dr.Pipero, edhe sot më njoftoi se Ilia 77 vjeç do të lërë Spitalin Infektiv dhe do t’i bashkohet familjes i shëruar nga COVID-19. Nuk lodhem së falenderuari stafin e mjekëve dhe infermierëve që janë në ballë të betejës për të fituar luftën me koronavirusin. Lutem qytetarëve të Korçës të respektojmë me rigorozitet rregullat e karantinimit dhe të aplikojnë të gjitha udhëzimet mbi distancimin social dhe higjienën personale.Me përpjekjen e të gjithëve dhe ndihmen e zotit do ia dalim”, shkruan Litian Broka.





Lajmet e fundit nga