web counter
LEXO PA REKLAMA!

SHKARKO APP

App Store
Google Play

E fundit!

x

Shkodra numrin më të lartë të personave të prekur/ 12 raste të reja me Covid-19, mes tyre dhe një 13-vjecar

3 Prill 2020, 09:53, Lifestyle CNA

Zv.ministrja e Shëndetësisë, Mira Rakacolli ndërsa bëri përditësimin e situatës nga koronavirusi në Shqipëri, theksoi sot se qyteti i Shkodrës ka numrin më të lartë të personave të prekur nga koronavirusi.

Rakacolli tha se në Shkodër 24 orët e fundit janë identifikuar 12 raste të reja, mes të cilëve është edhe një 13-vjeçar.

“Nga rastet e reja të 24 orëve të fundit, Shkodra ka numrin më të lartë me 12 raste. Këto raste janë identifikuar në dy rrethe familjare, mes tyre është dhe një fëmijë 13-vjeçar, që janë identifikuar falë gjurmimit të rasteve të kryera nga epidemiologët ne terren.
Kjo rritje e numrit të rasteve në Shkodër tregon edhe njëherë mos respektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë ne komunikimet publike.
Aktualisht po kryhet hetimi epidemiologjik në terren edhe me një ekip të Institutit të Shëndetit Publik.
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.”-tha Rakacolli./ CNA.al





Lajmet e fundit nga