web counter
LEXO PA REKLAMA!

SHKARKO APP

App Store
Google Play

E fundit!

x

“Po testohen pak të dyshuar”/ Albana Vokshi ngre alarmin: Nuk po respektohet kërkesa e OBSH

25 Mars 2020, 13:56, Aktualitet CNA

Ish-deputetja demokrate, Albana Vokshi thotë se qeveria shqiptare nuk po zbaton kërkesën e OBSH për kryerjen e më shumë testeve të COVID-19.

Duke publikuar shifrat e javës së fundit, Vokshi thekson se rastet e të prekurve janë rritur ndjeshëm, por jo numri i testeve.

Sipas Vokshit, Edi Rama po ndjek një taktikë të gabuar, duke kontribuar në përhapjen e virusit në një numër më të lartë qytetesh të vendit.

?Organizata Botërore e Shëndetësise (OBSH) përsëriti thirrjen që Qeveritë të testojnë sa më shumë persona të dyshuar.
OBSH thotë se kjo është mënyra e vetme për të ulur trendin e frikshëm të përhapjes së virusit COVID 19 në vende të ndryshme të botës. Fatkeqësisht, qeveria shqiptare nuk po i zbaton kërkesat e OBSH.
Edi Rama po ndjek një taktikë të gabuar, duke kontribuar në përhapjen e virusit në një numër më të lartë qytetesh të vendit. Duke mos i testuar, duke mos i gjurmuar rastet e dyshuara, trajtimi dhe izolimi i virusit është bërë më i vështirë.
Pjesa më e madhe e personave të infektuar kanë shkuar në spital në gjendje kritike shëndetësore dhe në rrezik për jetën. Ajo që e bën edhe më alarmuese situatën është shtimi i rasteve të personelit mjekësor dhe stafit mbështetës spitalor. Kjo rikthen vëmendjen tek shqetësimi ynë kryesor se personeli shëndetësor është shumë i pambrojtur përballë virusit tinzar dhe agresiv.
Në kushtet e rëndimit të situatës, ka ende #një mundësi për të ngadalësuar përhapjen e virusit e për të shpëtuar sa më shumë jetë: Qeveria të zbatojë në mënyrë rigoroze kërkesat e OBSH?, shkruan Vokshi./CNA.al





Lajmet e fundit nga