web counter
LEXO PA REKLAMA!

SHKARKO APP

App Store
Google Play

"Ka një ilaç që mendohet se është i suksesshëm"/ Mjeku Topi kritika OBSH-së, paralajmërimi i fortë

21 Mars 2020, 18:10, Aktualitet CNA

Mjeku i njohur Flamur Topi ka folur për mënyrën se si po e përjeton koronavirusin duke qenë se është vetëkarantinuar në banesën e tij.

Topi tha se po i respekton të gjitha masat në mënyrë shumë rigoroze, ndonëse theksoi se ankthi është i pashmangshëm duke parë lajmet tronditëse që vijnë nga Italia.

“Duhet të jesh i pashpirt, i pa zemër që të thuash nuk kam ankth”, deklaroi mjeku, ndërsa dha lajmin se ka një ilaç që mendohet të jetë i suksesshëm për trajtimin e pacientëve.

“Pak më parë kam marrë një lajm me shumë interes, mbi ilaçin kundër koronavirus. Ka një ilaç që mendohet se është i suksesshëm por duhet të presim, sepse edhe shkenca nxitohet. Megjithatë lajmi është.”, u shpreh ai në emisionin “Kjo Javë”.

Më tej mjeku kritikoi Organizatën Botërore të Shëndetësisë se nuk ka gjetur konkluzione shumë të mira, ndërsa paralajmëroi se nëse shkencëtarët nuk zbulojnë arsyen pse këto viruse si korona dhe SARS-i e kanë zanafillën nga Kina, epidemia e ardhshme do të jetë më e frikshme.

?Kam frikë se nëse OBSH, e cila kam përshtypjen se duhet të kishte punuar me më shumë kujdes, se që nga 2003 mund të ishin nxjerrë konkluzione shumë më të mira, mund të ishte studiuar shumë mirë familja e koronaviruseve dhe tani mund të kishim të gatshme vaksinën. Pra, OBSH nuk ka nxjerrë konkluzione. Pyetja që mund t?i bëhet OBSH është ?Pse në Kinë, e para në Kinë, edhe kjo?. Nëse shkencëtarët nuk mblidhen dhe të japin një përgjigje pse vijnë nga Kina, t?i bëjnë ballë, epidemia e ardhshme do të jetë edhe më e keqe, edhe më rebele. Se SARS nuk ishte aq agresiv, sa ky. Është mikroskopik, të cilin arsenali botëror, si bomba atomike, nuk ka çfarë i bën. Pra, ky virus ka çarmatosur gjithë arsenalin botëror?, tha Topi./ CNA.al





Lajmet e fundit nga