web counter
LEXO PA REKLAMA!

SHKARKO APP

App Store
Google Play

Kufizimet e lëvizjeve/ Policia sqarim për qytetarët, cilët përjashtohen nga rregulli i vendosur

21 Mars 2020, 09:51, Aktualitet CNA

Policia e Shtetit ka sqaruar të gjithë qytetarët mbi kufizimin e lëvizjeve në Shqipëri me qëllim parandalimin e përhapjes së COVID-19:

Policia thekson se ndalohet qarkullimi për të gjithë qytetarët dhe automjetet, prej orës 13:00 të datës 21.03.2020 deri në orën 05:00 të datës 23.03.2020.

Përjashtohen nga ky rregull, mjetet e transportit të mallrave dhe produkteve ushqimore vetëm për të furnizuar marketet dhe minimarketet, Policia e Shtetit, Forcat e Armatosura, SHPSF-të, Policia e Burgjeve, njësitë kritike të shërbimeve shtetërore dhe atyre të kompanive mediatike, si dhe ata të përfshirë në listat e bashkive për shërbime të ndryshme dhe shërbimet në banesë (delivery).
Të gjitha autorizimet e dhëna nga Policia e Shtetit shfuqizohen, duke filluar nga ora 13:00 e datës 21.03.2020 deri në orën 05:00 të datës 23.03.2020.

Policia e Shtetit apelon për të gjithë qytetarët të respektojnë të gjitha kufizimet, pasi nuk do ketë asnjë tolerim për askënd që i shkel ato./CNA.al





Lajmet e fundit nga