web counter
LEXO PA REKLAMA!

SHKARKO APP

App Store
Google Play

E fundit!

x

“Miting” në pazarin e fruta perimeve/ Basha: Kjo është shumë e rrezikshme!

21 Mars 2020, 10:49, Aktualitet CNA

Kreu i PD, Lulzim Basha ka publikuar një foto të shkrepur në një treg fruta perime ku një numër I madh njerëzish janë dyndur për të bërë blerje duke mos respektuar asnjë rregull për parandalimin e përhapjes së koronavirusit.

Basha thotë se kjo është shumë e rrezikshme dhe kjo është mënyrë e sigurtë për të përhapur virusin.
Sipas Bashës, të tilla grumbullime zhvlerësojnë çdo sakrificë të bërë deri tani.

Kryedemokrati thekson se duhet një analizë objektive, bazuar mbi praktikat më efektive deri tani: Si mund të organizohet dhe zbatohet izolimi dhe distancimi sa më i disiplinuar dhe nga ana tjetër njerëzit të mund të marrin shërbimet jetike POR duke shmangur çdo dalje të panevojshme, radhët e gjata dhe grumbullimet masive.

?Kjo nuk është aspak mirë! Kjo është shumë e rrezikshme!
Natyrisht që njerëzit duhet të blejnë gjërat e domosdoshme, duhet të marrin shërbimet esenciale, ju duhet të kryejnë disa pagesa, por grumbullime si këto janë të rrezikshme. Kjo është mënyrë e sigurtë për të përhapur virusin. Të tilla grumbullime zhvlerësojnë çdo sakrificë të bërë deri tani.
Ndaj duhet një analizë objektive, bazuar mbi praktikat më efektive deri tani: Si mund të organizohet dhe zbatohet izolimi dhe distancimi sa më i disiplinuar dhe nga ana tjetër njerëzit të mund të marrin shërbimet jetike POR duke shmangur çdo dalje të panevojshme, radhët e gjata dhe grumbullimet masive. Asgjë nuk është e lehtë. Por gjithçka duhet bërë që të shmangim dhe ngadalësojmë sa mundemi përhapjen e COVID 19.
Të dashur qytetarë! Qëndroni në shtëpi! Duke respektuar distancimin social, izolojmë virusin. Kështu i japim shans vetes dhe të afërmve tanë ta kalojmë me sa më pak pasoja këtë gjendje dhe t?i rikthehemi sa më parë normalitetit!?, shkruan Basha./CNA.al





Lajmet e fundit nga