web counter
LEXO PA REKLAMA!

SHKARKO APP

App Store
Google Play

Ahmetaj shpjegon paketën për koronavirusin/ Qetëson qytetarët: Nuk ka mungesa në ushqime

21 Mars 2020, 13:29, Aktualitet CNA

 Ministri Arben Ahmetaj ka shpjeguar paketën me shtatë pika të qeverisë për krizën e shkaktuar nga koronavirusi.

Ahmetaj shpjegoi se biznesi do të mbështet përmes formave të ndryshme siç është riskeludimi i pagesës së Tatimin mbi Fitimin apo edhe duke dhënë një garanci prej 100 milion dollarësh në mënyrë që ata të kenë mundësi për të shlyer pagat e punonjësve.

?Kjo paketë garanton të gjitha sipërmarrjet që kanë vështirësi likuiditeti dhe që duhet të paguajnë pagat. Këto sipërmarrje mund të shkojnë në bankë dhe të kërkojnë kredi me qëllim pagesën e pagave. Ato do të futen në bankë me risk zero sepse riskun e merr shteti shqiptar, pra Buxheti i Shtetit. Limiti i marrjes së kredisë do të konsiderohet nevoja që do të kenë për pagat?, tha Ahmetaj në studion e Abc News.

Ai theksoi gjithashtu se linjat e furnizimit të tregjeve janë të paprekura dhe gjithçka vijon normalisht, prandaj edhe qytetarët nuk duhet të bëjnë panik dhe të mblidhen në markete.

?Nuk mungon furnizimi me ushqime. Vazhdon zinxhiri i furnizimit normalisht, kombëtar dhe ndërkombëtar. Përveç se ka sasi të mëdha rezerve për një muaj e gjysmë?, tha më tej Ahmetaj





Lajmet e fundit nga