web counter
LEXO PA REKLAMA!

SHKARKO APP

App Store
Google Play

Korça, Lushnja dhe Laçi qytete shembull/ Respektojnë rregullat e vendosura, pas orës 10:00 rrugët bosh

19 Mars 2020, 12:39, Aktualitet CNA

Korca vijon të mbetet një shembull, pasi qytetarët janë ndërgjegjësuar dhe kanë respektuar të gjitha rregullat e vendosura nga qeveria për parandalimin e përhapjes së koronavirusit.

Në rrugë, pas orës 10:00 qytetarët që gjendeshin në rrugë numëroheshin me gishtat e dorës. E njëjta panoramë është raportuar edhe në Lushnje dhe Laçit, ku rrugët kanë qenë të boshatisura.
Por, edhe pse kryeminsitri Edi Rama ka ashpërsuar rregullat ka edhe qytete me banorë të ?pa bindur?.

Më konkretisht në qytetin e Fierit janë shoqëruar 6 shoqëruar në Komisariat, e ndërsa 10 të tjerë janë gjobitur me 10 mijë lekë gjobë pasi vijonin të qëndronin në jashtë edhe pas orës 10:00.
Në Vlorë, 6 këmbësorë janë gjobitur, ndërsa u janë bllokuar automjetet e 17 shoferëve, pasi lëviznin në qytet pa një autorizim. 3 të tjerë janë proceduar penalisht pasi kanë drejtuar makinën pa patentë.
Të pabindur ka pasur edhe në qytetin e Elbasanit, më konkretisht 8 këmbësorë.

Kujtojmë se me urdhrin e bërë publik ditën e djeshme nga kryeministrit Edi Rama, kush lëviz në rrugë jashtë afatit të përcaktuar, do të gjobitet me 10 mijë lekë ./CNA.al





Lajmet e fundit nga