web counter
LEXO PA REKLAMA!

SHKARKO APP

App Store
Google Play

Pezullimi i udhëtimeve në zonën Shengen/ Ja kategoritë që përjashtohen

18 Mars 2020, 18:09, Aktualitet CNA

Bashkimi Europian njoftoi dy ditë më parë, mbylljen e zonës Shegen për një peridhë 30 ditore sipasojë e pandemisë së Koronavirusit.

Ndërkaq, Ministria për Evropën dhe Punët e Jashtme, ka sqaruar qytetarët shqiptarlidhur me këto masa, ku thekson se përjashtimi nga kufizimi i përkohshëm i udhëtimit bëhet vetëm në rastet e mëposhtme:

-të vendeve anëtare të BE-së, të vendeve nënshkruese të Schengen-it (Islandë, Lihtenshtein, Norvegji, Zvicër), dhe për anëtarët e familjeve të tyre, në rastet e kthimit të tyre në shtëpi;

– të vendeve të treta që janë rezidentë afatgjatë dhe personat që kanë përfituar të drejtën e qëndrimit, apo që kanë një vizë qëndrimi afatgjatë.

Nga ky kufizim i përkohshëm i udhëtimit përjashtohen: personeli shëndetësor, kërkuesit mjekësorë, punonjësit e kufirit, personeli i angazhuar me transportin e mallrave dhe çdo personel tjetër transporti, në masën e nevojshme, diplomatët, stafi i organizatave ndërkombëtare, personeli ushtarak dhe punonjës të ndihmës humanitare gjatë ushtrimit të funksioneve të tyre, pasagjerët në tranzit, pasagjerët që udhëtojnë për arsye të domosdoshme familjare, personat që kanë nevojë për mbrojtje ndërkombëtare, ose për arsye të tjera humanitare.

Nisur nga serioziteti i situatës, këshillohen të gjithë shtetasit e Republikës së Shqipërisë dhe shtetasit e vendeve të treta që qëndrojnë aktualisht në territorin e RSH-së të mos kryejnë udhëtime të panevojshme jashtë Shqipërisë.

Për të gjithë shtetasit të cilët duhet të kryejnë udhëtime thelbësore, lutemi të konsultojnë faqen online të MEPJ dhe të ambasadave të akredituara në RSH, për informacione të përditësuara rreth kushteve të udhëtimeve dhe kufizimeve respektive.





Lajmet e fundit nga