E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Mos dilni, shpëtoni jetë”/ Pandeli Majko apel të fortë qytetarëve

14 Mars 2020, 14:11, Politikë CNA

Edhe Ministri për Diasporën, Pandeli Majko i ka drejtuar një apel të fortë qytetarëve, për të respektuar masat kundër përhapjes së koronavirusit.

Në një postim në rrjetet sociale, Majko shkruan se shqiptarët duhet të fillojnë të riorganizojnë mënyrën e jetës dhe mos lodhen nga ndryshimi i së përditshmes pasi kjo situatë nuk është çështjë ditësh.

Ai shprehet se jetë në këtë rast mund të shpëtohen duke kufizuar lëvizjet.

?Shtetet e Bashkuara të Amerikës shpallën emergjencën kombëtare! Bota ka hyrë në një periudhë gri, ku e padukshmja është bërë e dukshme, me statistikat e njerzve që po humbin jetën!

Kjo që po ndodh është një përballje e jetës me një situatë virusale globale për të cilën parashikimet janë kontradiktore.
Kjo situate nuk eshte ceshtje ditesh!

Filloni të mendoni për organizimin e jetës së përditshme në rrethanat e krijuara.

Mos u ?lodhni nga e perditshmja e ndryshuar! Kjo eshte prove per cilindo dhe jo nje situate qe mund te kalohet me ?sportivitet?!

Në Itali para 3 javësh kishte 16 të prekur, sot mbi 15,000 ku lëvizja dhe komunikimi rezultoi shkaktari kryesor i përhapjes, çka po çon në bllokimin e sistemit shëndetsor!?-shkruan Majko.

Më tej, ai thekson se këshillat e shkollës fillore tani rikthehen për cilindo për ajrosjen e rregullt të ambientit ku jeton, për lajren e duarve dhe ndihmën ndaj të moshuarve që të mos dalin dhe të publike.

Gjithashtu ai shkruan se lejohet të shkosh në Farmacinë, Ushqimoren më të afërt, duke shmangur ecjen afër personave të tjerë, me maskë e me doreza, në radhë duke respektuar distancën jo nën 2 m nga personi tjetër?

?Trajto me përgjegjshmëri çdo sjellje tënden që ndikon te higjena e të tjerëve, në shtëpi, pallat, lagje, ambient të mbyllur!

SHpëtohen jetë duke kufizuar lëvizjen dhe mundësitë e transferimit, përcjelljes, përhapjes së virusit që mund të jetë kudo pa e kuptuar por që shkakton pasoja të ndryshme në persona, mosha?-shkruan Majko./ CNA.al