web counter
LEXO PA REKLAMA!

SHKARKO APP

App Store
Google Play

E fundit!

x

“Vetëizolohu menjëherë!”/ Bashkia e Fierit thirrje urgjente shoferit që transportoi familjen me koronavirus

13 Mars 2020, 18:11, Politikë CNA

Bashkia e Fierit i ka bërë thirrje urgjente shoferit që ka transportuar nga Zogu i Zi në Tiranë në drejtim të fshatit Dërmenas në Fier familjen e prekur me koronavirus që të vetëizolohet menjëherë.

Sipas njoftimit, transporti i anëtarëve të kësaj familjeje, tre prej të cilëve kanë rezultuar pozitiv me koronavirus, është bërë më datë 3 mars 2020 në orën 07.00 nga Zogu i Zi në Dërmenas.

Ndërkohë, janë marr masat menjëherë nga Njësia Administrative Dërmënas, duke njoftuar mbylljen dhe izolimin për arsye sigurie edhe të dyqanit ku kjo familje ka kryer pazaret gjatë kësaj kohe.

Policia po punon edhe për gjetjen e vajzës së familjes, banuese në Qenas, e cila u ka ka sherbyer gjatë kësaj kohe prindërve.?
Në vijim të masave të ndërmarra për parandalimin e virusit COVID-19,
i bëjmë thirrje shoferit që ka transportuar familjen e Eduart Sulo nga Zogu i zi në Dërmënas që të vetë-izolohet dhe të kërkojë menjëherë ndihmën mjekësore, pasi kjo familje është e prekur nga virusi. Transporti i kësaj familjeje është bërë në datën 3 mars, rreth orës 7:00.
Kërkojmë bashkëpunimin e të gjithëve për të kuptuar rëndësinë e kësaj situate dhe respektimin e rregullave bazë:
Qëndrimin në shtëpi dhe higjenë maksimale personale për veten dhe të tjerët.





Lajmet e fundit nga