E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Analistët tanë, si "armiq" publik/ Mbrojtën Çilin, heshtën për Ben Blushin

5 Mars 2020, 14:14, Politikë CNA

Ndoshta do të duhet t?i quajmë analistë, opinionistë apo kanalistë dhe turpbërës të opinionin publik në Shqipëri.

Janë të shumtë, shëtisin ekraneve, por nuk mund të mos quhen profesionistë, me eksperiencë, që flasin një gjuhë të bukur, që kanë një mendim logjik apo edhe argumente, por që në fakt janë ata që flasin kur duhet të heshtin dhe heshtin atëherë kur duhet të flasin.

Ky është rasti i të gjithë analistëve tanë, që si armiq publik u vërsulen për të mbrojtur Henri Çilin. Dikush pati kurajon dhe shkoi deri në gjykatën e Përmetit. Pa folur drejtësia, ata besonin tek pafajësia. Vinin dorën në zjarr, ç?ka besojmë se nuk do ta bënin as për fëmijët e tyre.

Gjithësesi, Henri Çili është në rolin e ?babait?, se iu ka dhënë miliona, i ka paguar sistematikisht, i ka pasur bashkëpunëtorë nëpër gazeta, në fondacione, në universitet, nëpër botime, ku janë miliona e miliona të paguara për ta, pa përjashtim, nga i pari tek i fundit, nga ata që dolën dhe e mbrojtën. Me emra apo pa emra. Preç Zogaj, Blendi Fevziu, Mustafa Nano, Andi Bushati, Armand Shkullaku, etj etj, janë pjesë e listës së gjatë të bashkëpunëtorëve shumë vjeçarë të Henri Çilit.

Por, ka edhe të tjerë që e bëjnë avokatinë vullnetarë në këtë listë apo ka edhe të tjerë që pa pagesë nuk bëjnë asgjë, por kjo ka pak rëndësi tashmë.

Ajo që bie në sy dhe që është e rëndësishme tashmë është se shqiptarët e panë dhe e kuptuan brenda dy javëve se kush janë analistët tanë, aspak të nderuar por që duhen neveritur dhe braktisur. Janë ata që morën ?shpatën? në dorë në mbrojtje të Henri Çilit. Ndoshta mirë bënë, kishin të drejtën e tyre ta bënin.

Por, janë po këta njerëz që mbyllën gojën kur u denoncua pasuria prej miliarderi e Ben Blushit, një ish-politikan, aktualisht drejtor i një televizioni, i cili nëpërmjet bashkëshortes së tij ishte bërë ortak në një kompani në Bullgari, me pronarët e kompanisë së inceneratorëve në Tiranë, të një koncesioni mbi 300 milion euro. Dhe këta së bashku kishin blerë Valtelina shpk, e cila mban emrin tregtar Lori Kafe, dhe që ka të njëjtët aksionerë që ka edhe Top Channel.

Heshtën analistët tanë, këta që trumbetonin dhe që ?qanin? apo quraviteshin për Henri Çilin, këta imoralë me moral. Këta personazhe publike që duan të shesin vlera dhe përfaqësojnë anti-vlera. Këta që na thonë se janë dikushi, por në fakt janë askushi.

Heshtën për skandalin e Ben Blushit, për pasuritë e tij, për Top Channel, për inceneratorët, për lidhjet, për tenderat, për gjithçka tjetër dhe folën për Henri Çilin.

A thua se shqiptarëve iu duhet më shumë Henri Çili sesa 300 milion eurot nga taksat e tyre që shkojnë në kompani inceneratorësh, nëpërmjet koncesioneve. A thua se shqiptarëve iu duhet më shumë Henri Çili sesa Top Channel, një televizion kombëtar, i cili po përdoret nga Ben Blushi për interesa krejtësisht klienteliste dhe korruptive.

Është e provuar se ky televizion ka bërë dhjetëra kronika në mbrojtje të inceneratorëve, ndërkohë më pas pronarët e kësaj kompanie bëhen ortake me gruan e Ben Blushit, në një kompani në Bullgari dhe blenë për 2.2 milion dollarë më pas Lori Kafenë. Dhe këta analistët aspak të nderuar, këta fytyra të fëlliqura të opinionit publik heshten.

Këta karagjozë publik, këta të pavlerë që zhyten nëpër listëpagesa televizionesh, universitetesh e ku të mundin e si të mundin, dolën dhe folën kur u arrestua Henri Çili, por heshtën kur duhej të ulërisnin që të hapeshin hetimet për një ish-politikan, ish-ministër, ish-deputet, ish-kryetar partie, skandaloz dhe i zhytur në një pasuri marramendëse.

Por, ata janë të njëjtë si ai. Janë të gjithë me miliona. Janë të gjithë me miliarda. Janë me vila. Janë me prona të paluajtshme të pallogaritshme, paguhen me dhjetëra milion lekë çdo muaj. Prandaj dhe heshtin, sepse janë të gjithë si Ben Blushi, janë të gjithë si Henri Çili, janë po ato fytyra. Vetëm iu ndryshon imazhi, asgjë tjetër. Hiqeni kokën e njërit e vëreni tek tjetri. Kanë të njëjtin kostum, përfaqësojnë të njëjtën logjikë. Pavarësisht se njëri bën si djathtë e tjetri bën si i majtë, janë të gjithë njësoj. Si henri Çili dhe si Ben Blushi, nuk ndryshojnë aspak. Flasin dhe e mbrojnë njëri-tjetrin kur ka hall. Por, kur dikush prej tyre sulmohet me të vërteta, ata heshtin për ta mbrojtur me heshtjen e tyre. Dhe kur ndodh si rasti i Çilit, siç e pamë, ulërisnin. E këta janë pra kanalistët tanë ?të nderuar?, që tashmë nuk i duhen aq dreqit./ CNA.al

Imoraliteti publik dhe abuzimi mediatik i Henri Çilit

Skandali/ Zbulohet skema e plotë, si pronarët e inceneratorëve paguan aksionerët e Top Channel

Ekskluzive-Zbulohet gazetari oligark që ia kalon edhe Alfred Pezës

SPAK përballë skandalit/ Hetoi Pezën, hesht për Ben Blushin

“Sheiku” i mediave/ Të gjitha miliardat dhe skandalet e Ben Blushit

Ben Blushi bën vjehrrin miliarder/ CNA.al zbulon pasurinë 5 milionë dollarë