LEXO PA REKLAMA!

SHKARKO APP

Zbardhen vendimet e KLP/ Prokurorja që arrestoi Rexhep Rrajën komandohet ndihmës-magjistrate në ILD

4 Mars 2020, 18:18, Aktualitet CNA
Zbardhen vendimet e KLP/ Prokurorja që arrestoi Rexhep Rrajën

Zbardhen vendimet e marra në mbledhjen e sotme të Këshillit të Lartë të Prokurorisë.

KLP ka miratuar një ndryshim në nenin 3, të pikës 3 të rregullores, e cila thotë se: “Një prokuror nuk mund të komandohet 4 herë në të njëjtin pozicion ose në një pozicion tjetër”.

Mësohet se një tjetër vendim i marë është komandimi i prokurores së Krujës, Mirela Kapo, si ndihmës-magjistrate pranë Inspektoratit të Lartë të Drejtësisë me kryetar Artur Metanin për një periudhë 5- vjeçare.

Por Kapo është një emër i njohur për botën e medias, pasi është prokurorja që kërkoi arrestimin e Rexhep Rrajës, djalit të deputetit socialist, Rexhep Rraja, i cili ushtroi dhunë ndaj të dashurës Xhisiela Maloku.

Ndërkohë, një tjetër vendim i marrë është mbarimi i mandatit si anëtar i Këshillit të Lartë të Prokurorisë i Besnik Canit, për shkak të papajtueshmërisë në ushtrimin e detyrës. Cani u shkarkua nga Kolegji i Posaçëm i Apelimit, pasi ngeci në vetting.

Gjithashtu, Këshilli ka hedhur shortin për përzgjedhjen e tre anëtarëve të Komisionit të Përkohshëm, që do të shqyrtojnë arkivimin e ankimit të një shtetasi kundër një prokurori. Për shqyrtimin e kësaj kërkese, u krijua komisioni i përbërë nga Tartar Bazaj, Alfred Balla dhe Kostaq Beluri./ CNA.al

Lajmet e fundit nga