web counter
LEXO PA REKLAMA!

SHKARKO APP

App Store
Google Play

Grabitën dhe dhunuan të moshuarit/ Zbardhet ngjarja e rëndë, prangosen katër persona

25 Shkurt 2020, 07:46, Kronika CNA

Policia e Dibrës ka zbardhur ngjarjen e ndodhur në datën 22.02.2020, ku disa persona vodhën me dhunë sende me vlerë në një banesë.

Policia bën të ditur se ka vënë në pranga 4 shtetas si autorë të dyshuar të grabitjes, si dhe janë shpallur në kërkim 2 të tjerë, bashkëpunëtorë në vjedhje.

Policia e Dibrës, pas njoftimit të marrë se në fshatin Cernem, Maqellarë, në orët e vona të datës 22 shkurt, disa persona kishin hyrë në banesën e shtetasit R. D. dhe nëpërmjet dhunës kishin marrë sende me vlerë, menjëherë ngriti një grup të posaçëm hetimor, me qëllim zbardhjen e ngjarjes.

Sipas uniformave blu të arrestuarit janë: A. V., 23 vjeç, S. C., 23 vjeç, E. P., 22 vjeç dhe Z. E., 25 vjeç, banues në Njësinë Administrative Maqellarë, Dibër.

Si dhe u bë shpallja në kërkim dhe po punohet për kapjen e shtetasve  K. B., 35 vjeç dhe A. G., 30 vjeç, bashkëpunëtorë në vjedhjen me dhunë.

Si rezultat i veprimeve profesionale është bërë e mundur gjetja e disa provave materiale të vjedhura në banesën e shtetasit R. D., të fshehura në banesën e autorit të dyshuar S. C.

Materialet do t?i kalojnë për veprime të mëtejshme, Prokurorisë së Rrethit Gjyqësor Dibër, për veprën penale ?Vjedhja me dhunë,  kryer në bashkëpunim”.





Lajmet e fundit nga