web counter
LEXO PA REKLAMA!

SHKARKO APP

App Store
Google Play

E fundit!

x

Tentuan të shkojnë drejt vendeve të BE me pasaporta e ID të dikujt tjetër/ 3 në pranga

23 Shkurt 2020, 11:44, Kronika CNA

Në sajë të operacionit të koduar ?Shpërblimi?, janë vënë në pranga tre persona nga Gana dhe Kameruni, si dhe janë shpallur në kërkim dy të tjerë nga Franca.

Bëhet fjalë për shtetasit me iniciale J.B., 21 vjeç, lindur dhe banues në Kamerun (organizator), B.A., 34 vjeç, lindur dhe banues në Gana dhe J.B., 23 vjeç, lindur dhe banues në Kamerun, si dhe u shpallën në kërkim francezët D.I. dhe B.Y.

Nga hetimet e kryera, ka rezultuar se shtetasi B.A., kundrejt shpërblimit monetar, ka siguruar nga shtetasi J. B., një pasaportë franceze që i përkiste shtetasit D.I. dhe duke përfituar nga ngjashëria fizike me këtë shtetas ka tentuar të udhëtojë me këtë pasaportë nga aeroporti i Rinasit në drejtim të vendeve të BE-së.

Gjithashtu raportohet se 23-vjeçari J. B., kundrejt shpërblimit monetar ka siguruar nga 21-vjeçari J. B., një kartë identiteti franceze që i përket shtetasit B. Y. dhe duke përfituar nga ngjashëria fizike me këtë shtetas ka tentuar të udhëtojë me këtë pasaportë nga aeroporti i Rinasit në drejtim të vendeve të BE-së.

Ndërkohë, dyshohet se ka bashkëpunëtorë edhe shtetas shqiptar, për të cilët po punohet për identifikimin e tyre. Policia ka sekuestruar pasaporta dhe karta identiteti që do përdoreshin me anë të ngjashmërisë, për të kaluar kufirin drejt vendeve të BE-së.

Sakaq, materialet proceduriale do t?i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale ?Ndihma për kalim të paligjshëm të kufirit? dhe ?Falsifikimi i letërnjoftimeve, pasaportave ose i vizave?./ CNA.al





Lajmet e fundit nga