web counter
LEXO PA REKLAMA!

SHKARKO APP

App Store
Google Play

Sekuestrohen mbi 500 kg drogë në Itali/ Dyshohet se kishte ardhur nga Shqipëria

19 Shkurt 2020, 11:05, Kronika CNA

Policia italiane ka sekuestruar një sasi të madhe droge e cila dyshohet se ishte trafikuar me mjet lundrues nga Shqipëria në Itali.

Në pranga është vënë një shtetas italian me inicialet C.M nga Leçe 45 vjec.

Mjeti lundrues 6 metra i pajisur me instrumente për peshkim u identifikua ndërsa po tërhiqej me një fuoristradë në rrugën provinciale SP131 që lidh Leçen me Torre Chianca.

Autoritetet financiare italiane të qytetit të Leçes të dyshuar nga ora e trazitimit në rrugë të këtij mjeti lundrues e nga mungesa e shenjave identifikuese të tij, kryen hetime të mëtejshme e identifikuan pronarin e automjetit tip Fuoristradë, 45 vjecarin italian C.M.

Pas kontrollit më pas në oborrin e banesës së tij në qëndrër të qytetit të Leçes në lagjen Borgo San Nicola, u gjetën 3 mjete lundruese mes të cilëve dhe skafi 6 metra. Në dyshemenë e skafit u gjetën të fshehura drogë e armë.
Financa Italiane sekuestroi 2 karabina kalibër 4.5, një pistoletë Berreta kalibër 4.5, një tjetër pistoletë kalibër 8 e një sasi plumbash.

Gjithashtu fshehur në dyshemenë e skafit u gjetën dhe 450 kg marijuanë e konfeksionuar në 219 pako, 75 kg hashash e konfeksionuar në 31 pako e 3.5 kg vaj hashash.
Sipas autoriteteve italiane sasia e sekuestruar e drogës mund të shërbente për të furnizuar të gjithë tregjet ilegale të shitjes si në nivel lokal ashtu dhe në të gjithë territorin italian.





Lajmet e fundit nga