web counter
LEXO PA REKLAMA!

SHKARKO APP

App Store
Google Play

E fundit!

x

Basha uron 12 vjetorin e Kosovës/ Premtimi si kryeministër i ardhshëm

17 Shkurt 2020, 08:31, Politikë CNA

Kreu i PD, Lulzim Basha ka uruar sot përvjetorin e 12-të të shtetit të Kosovës.

Basha shprehet se këto vite nuk kanë qenë të lehta për Kosovën, sikundër dhe rruga e së ardhmes është e mbushur me sfida.

Kryedemokrati ka shprehur angazhimin e tij se Kosova dhe aspirata jonë e përbashkët drejt integrimit do të jetë misioni ynë i madh.

?Të dashur vëllezër e motra të Kosovës, në ditën e dytë më të rëndësishme të historisë sonë kombëtare, ju uroj nga zemra gëzuar përvjetorin e 12-të të shtetit të Kosovës!
Këto nuk kanë qenë vite të lehta për Kosovën,sikundër dhe rruga e së ardhmes është e mbushur me sfida. Por si përherë, jam i bindur se me pjekuri, durim, forcë e mençuri do t’i përballni me sukses të gjitha sfidat përgjatë rrugës së vështirë të shtetformimit.
Në këtë ditë kaq të bukur dhe të rëndësishme për kombin, dua të shpreh angazhimin tim se çdo ditë të jetës dhe punës time, sot në krye të opozitës e nesër në krye të qeverisjes së vendit, Kosova dhe aspirata jonë e përbashkët drejt integrimit do të jetë misioni ynë i madh.
Ne do të jemi bashkë në këtë rrugëtim, prandaj edhe më të fortë edhe më të qartë se asnjeherë më parë për të sotmen dhe të ardhmen tonë. Gëzuar Kosovë!?, shkruan Basha./CNA.al





Lajmet e fundit nga