web counter
LEXO PA REKLAMA!

SHKARKO APP

App Store
Google Play

“Stop” denoncon skandalin/ Ministria lë pa shkollë fëmijën autik

31 Janar 2020, 19:58, Denoncim CNA

Aida Lubonja, nëna e nxënësit autik Richard Zvonicek, vijon sorollatjen sa në një zyrë në një tjetër.

Emisioni investigativ ?Stop? mbrëmjen e sotme ka sjellë sërish në vëmendje rastin e kësaj familjeje, e cila ka kërkuar që djali i tyre të trasferohet nga shkolla jopublike ?Ekonomisti? në një shkollë shtetërore, për shkak të pamundësive ekonomike.

Tashmë Richardi ka mbetur pa shkollë, pasi institucionet nuk i kanë dhënë mundësinë të regjistrohet në një shkollë tjetër.

Aida Lubonja tha se zyra Arsimore e Tiranës në një përgjigje me shkresë i thotë se ata kanë refuzuar dy shkolla publike që i janë vënë në dispozicion dhe Richardi nuk mund të shkojë në një shkollë tjetër.

Ndonëse vetë Drejtori i ka premtuar se kjo situatë do rregullohet, i riu akoma endet me nënën në zyrat e instuitucioneve. Sipas Lubonjës, ZVA i ka dhënë dokumenta fallso që pretendohet se janë firmosur nga ajo, kur, në fakt, nëna e Richardit mohon të ketë refuzuar arsimimin e fëmijës në dy shkolla publike.

Specialistja e ZVA në një kamer të fshehtë i thotë Aida Lubonjës se i ka dërguar shkollës jopublike ?Ekonomisti? një letër për kërkesën e familjes së Richardit, ndërsa institucioni arsimor e mohoi një gjë të tillë. Gazetarja e ?Stop? i ka kërkuar specialistes së ZVA letrën që pretendon se ia ka dërguar shkollës ku ka pasur studiuar i riu, por kjo e fundit nuk ka pranuar ta japë.

Ndërkohë, në një përgjigje zyrtare për emisionin investigativ, Ministria e Arsimit deklaron se Richard Zvonicek nuk mund të transferohet në një shkollë tjetër, pasi kanë kaluar afatet kohore.

Nxënësi thotë se kjo është një katastrofë, një fatkeqësi, që nuk di si ta përshkruajë./ CNA.al





Lajmet e fundit nga