E fundit!

22:56 Horoskopi

Horoskopi i ditës, e enjte 16 korrik 2026/ Parashikimi i yjeve për secilën shenjë

DASHI Kjo ditë sjell energji të lartë dhe dëshirë për të ...

Tradhëtia e radhës/ Zbulohet fakti i dytë që Basha u ul në tryezë me Ramën

30 Janar 2020, 11:02, Politikë CNA

Në një mënyrë të papritur dhe pa shumë komente paraprake, gati dy javë më parë, Lulzim Basha u tërhoq nga gjithçka dhe shkoi u ul në tryezë me Edi Ramën.

Gjeti një justifikim për të ulur përfaqësuesit e tij në tryezën për Reformën Zgjedhore.

Me disa argumenta qesharake, Lulzim Basha ?lëpiu? atë që pështyu për një vit të tërë. Një vit protesta, dhunë dhe bojkoti. Një vit i cili ishte me bilancin më katastrofik për kreun e Republikës së re, të njeriut që dogji mandatet e deputetëve dhe i la Edi Ramës një mazhorancë kushtetuese, të cilën nuk ia kishin dhënë shqiptarët, por ia fali Luli.

I fali 61 bashki në tavolinë Edi Ramës dhe më pas në shtator filloi negociatat me këtë të fundit.

Tërmeti i 26 nëntorit i shtyu paksa takimet publike, të cilat u rifilluan menjëherë në janar.

Kreu i Republikës së re shkoi dhe u ul në tavolinë, pikërisht menjëherë pas mbylljes së gjyqit të tij me procedurë.

Ashtu siç kishte ndodhur dhe shumë vite më parë, gjykata mbylli me procedurë hetimet për financimet për lobim në SHBA, të cilat ishin me fonde që vinin nga kompani off shore, me pronarë rusë.

Në fakt në Departamentin e Drejtësisë ndodhen të gjitha dokumentet. Ndodhet deklarata e lobistit amerikan Nick Muzin, për një milion e 25 mijë dollarë të paguara, për të cilat janë paraqitur të gjitha kontratat, ku përfshihet edhe Binniata Trade, ku 650 mijë dollarë në fakt nuk dihet se cili është burimi i tyre.

Dokumentet ndodhen në Departamentin e Drejtësisë në SHBA, por Lulzim Basha me ndihmën e Edi Ramës mbylli hetimet me procedurë, duke e shpëtuar nga një akuzë dhe një dënim mjaft i rëndë ai dhe dy personazhe të tjerë të Republikës së re.

Ky është fakti i parë i uljes në tryezë, e cila erdhi menjëherë pas mbylljes së asaj dosje të cilën Luli e kishte si çekan mbi kokë.

Dje, mediat zbuluan një detaj tjetër.

Në fund të dhjetorit, një kompani private pranë Lulzim Bashës ka fituar me prokurim të drejtpërdrejtë. Pra, i është dhuruar nga Edi Rama një shumë prej rreth 15 milion euro, gjoja për shkak të fatkeqësisë natyrore.

Por, e vërteta është se e njëjta procedurë, e njëjta shumë parash, ishte shpallur si tender në tetor të 2019.

Pra, ishte një procedurë tenderimi për të cilën shteti kishte marrë masat, dihej se ishte e nevojshme, por u anullua më pas për t?u dhënë me prokurim të drejtpërdrejtë. Pra, për të mos bërë një garë, të cilën mund të mos e fitonte ?Victoria Invest?, firma pranë Lulzim Bashës, një subjekt e cila ka fituar një nga lotet e Unazës së re, për të cilën Lulzim Basha nuk foli kurrë. Është po e njëjta firmë e cila ka pasur në pronësi mercedezin e Lulzim Bashës. Një makinë e shtrenjtë që i jepej nga ky biznesmen, pronari i ?Victoria Invest? dhe Luli nuk e deklaronte kurrë. Ky është fakti i dytë.

Ndoshta në ditët në vijim do të kemi të tjera detaje pse Rama dhe Basha patën një tryezë të suksesshme. Cila ka qënë oferta e kryeministrit, i cili pasi i ka mbyllur gjyqin, na e nderon kreun e opozitës dhe bizneset pranë tij me disa prokurime të drejtpërdrejta.

Tashmë dihet gjyqi, dihen edhe 15 milion eurot e dhëna me prokurim të drejtpërdrejtë nga qeveria biznesit pranë Lulzim Bashës.

Të tjerat do t?i mësojmë në ditët në vijim, pasi Lulzim Basha nuk është nga ata që shitet kaq lirë. Të tjera ?xhevahire? do të shohim në vijim, ashtu siç pamë në 2017 ku gjithçka nuk shkoi dhe nuk përfundoi vetëm me 16 milion eurot e pallatit të vjehrrit dhe kunatit të Lulzim Bashës, si pazar në tryezën politike mes kryeministrit dhe kreut të Republikës së re./ CNA.al

Rama jep 15 milion euro pa tender, për firmën pranë Lulzim Bashës

Basha mbylli protestat për lobimin rus në SHBA