E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Lirimi i “të fortëve”, shkelje e rëndë e ligjit”/ Gjonaj merr vendimin drastik

17 Janar 2020, 11:58, Kronika CNA

Ministrja e Drejtësisë, Etilda Gjonaj ka reaguar me tone të forta pas lirimit nga burgu të Ergys Kolaverit, i cili ishte dënuar me 20 vite, pasi tentoi të vrasë me snajper Gazmir Dacin në korrik të 2016 dhe Indrit Dokle, anëtar i Bandës së Durrësit, i dënuar me burgim të përjetshëm.

Ajo tha se lirimi i Indrit Dokles, ka qenë vendim i gjyqtares Enkeleda Hoxha, duke e cilësuar një këmbanë alarmi për drejtësinë.

Në një deklaratë për mediat, Gjonaj e ka cilësuar si të paligjshëm lirimin e personit në fjalë, ndërsa shtoi se veprime të tilla cënojnë sigurinë e qytetarëve dhe besimin e tyre tek drejtësia.

Gjonaj tha se për gjyqtaren Enkelejda Hoxha, që në datën 18 janar 2018, pas lirimit të Genc Tafilit, i është drejtuar KLD-së, me një kërkesë për shkarkimin e saj nga detyra.

?Është e domosdoshme që të bëhen veprimet institucione në përgjigje të gjyqtarëve dhe prokurorëve që me vendim e tyre në shkelje të ligjit po cënojnë sigurinë e qytetarëve dhe besimin e tyre tek drejtësia. Veprime të tilla kanë pasoja të rënda dhe kanë sjellë zemërim në opinionin publik.

Në datën 18 janar i jam drejtuar KLD-së, për pezullimin e gjyqtares?-tha Gjonaj.

Më tej, ajo theksoi se është marrë vendimi për shkarkimin nga detyra edhe për Drejtorin e Shërbimit të Provës në Krujë, për të cilin është depozituar edhe një kallëzim penal për shpërdorim të detyrës.

“Edhe pse Ministria e Drejtësisë nuk ka kompetenca në sistemin e drejtësisë, ndjejmë detyrimin për t’i adresuar aktorëve të tjerë për të vepruar në interes të qytetarëve. Në datën 15 janar i jam drejtuar KLGJ për pezullimin e saj dhe marrjen e masave për shkarkimin e saj nga detyra e gjyqtarit. I kam kërkuar prokurorisë ndjekjen penale të gjyqtares për parandalimin e veprimeve të tilla. I jam drejtuar KPK dhe OMN për ndjekjen e rastit. Ndër vite ndaj kësaj gjyqtareje ndaj të cilës rëndojë denoncime për shkelje të ligjit dhe korrupsion. Janë marrë të gjitha masa pezullohen drejtori i shërbimit të provës Krujë dhe është depozituar ndjekje penale ndaj tij. Vendime të tilla të dhëna nga një individ i caktuar apo të tjerë që e kanë të qartë që nuk do e kalojnë vettingun duhen marrë masa për të kthyer besimin e qytetarëve tek drejtësia. Kuvendi do shqyrtojë me urgjencë masa ndaj gjyqtarëve dhe prokurorëve KÇK”.-tha Gjonaj./ CNA.al