web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në Kavajë/ Fabrika e dyshekëve në pronësi të kryebashkiakut Krali

16 Janar 2020, 18:42, Kronika CNA

Zjarri i rënë mbrëmjen e sotme në një fabrikë dyshekësh në Kavajë ka shkaktuar panik për shkak të përmasave të mëdha.

Fabrika e prodhimit të dyshekëve, sipas Balkan Web, është në pronësi të kryebashkiakut të Kavajës Redjan Krali.

Mësohet se në momentin e rënies së zjarrit, në fabrikë kanë qenë disa punonjës, të cilët fatmirësisht kanë dalë nga godina pa lëndime.

Lënda që prodhohet për prodhimin e sfungjerit ka shkaktuar shpërthime të mëdha, duke vështirësuar kështu punën e forcave zjarrfikëse, të cilat po luftojnë me flakët.

Paraprakisht dyshohet se zjarri ka rënë për shkak të një shkëndije elektrike, por policia ka hapur hetimet për zbardhjen e plotë të ngjarjes.

?Rreth orës 19:10 në rrugën nacionale Kavajë-Rrogozhinë fabrika në administrim të shtetasit Gj. K, është përfshirë nga flakët, ku si pasojë ka veç dëme materiale. Policia dhe shërbimi i zjarrfikses kanë shkuar menjëherë në vendngjarje. Paraprakisht dyshohet se zjarri është aksidental. Grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të rënies së zjarrit?, thuhet në njoftimin e policisë./ CNA.al





Lajmet e fundit nga